ЭКСКЛЮЗИВ: Galaxy S10+’нинг энг сифатли «жонли» сурати интернетда илк бор Terabayt.uz’да!
Samsung компаниясининг ўнинчи авлод флагманлари ҳақида бир-биридан қизиқ маълумотларни бериб келмоқдамиз. Навбатдагиси – энг илғор Galaxy S10+ смартфонининг иккита «жонли» расмидир.
ЎҚИНГ: Samsung Galaxy S10 туркумидаги учта флагман битта расмий суратда!
Суратлардан бирини Slashleaks ресурси тақдим этган бўлиб, унда ушбу қурилманинг ёқиқ ҳолдаги экрани намойиш этилган. Бу – Galaxy S10+’нинг шу пайтгача чиққан расмлари орасида энг сифатлисидир!
Гувоҳи бўлаётганингиздек, четлари қайрилма ромсиз экранда олд камера учун овал «тирқиш» очилган ва унда бир жуфт объектив яққол акс этган.
ЎҚИНГ: Galaxy S10’нинг ишлаётган ҳолдаги «жонли» суратлари Samsung’нинг янги сервисини фош этди!
Иккинчи «жонли» суратни эса Terabayt.uz сайтининг ўз манбаси тақдим этган ва ушбу инсайдерлик сурати умуман интернетда илк бор эълон қилинмоқда! Унда Samsung Galaxy S10+ флагманининг орқа панелидаги уч модулли бош камера тиниқ кўрсатилган.
Samsung Galaxy S10 туркумидаги смартфонлар жорий йилнинг 20 февралида тақдим этилади, унгача эса мазкур компаниянинг турли смартфонларини Terashop.uz интернет-дўконимиздан 883 000 сўмдан бошланувчи нархларда сотиб олиш имкони мавжуд.
ЎҚИНГ: Samsung кутилмаганда «тешик» дисплейли Galaxy A9 Pro (2019) смартфонини намойиш қилди!
