ЭКСКЛЮЗИВ: Galaxy S10 ва S10+ флагманларининг илк видеотавсифи!
Samsung компаниясининг яқин орада тақдим этилиши кутилаётган Galaxy S10 туркумидаги смартфонлар ҳақида кўплаб маълумотлар ва уларнинг нархлари, ҳатто «жонли» суратларини эълон қилганмиз. Энди эса улардан иккитасининг «жонли» видеоси ҳам интернетга чиқди!
ЎҚИНГ: Селфи-камераси корпус ичидан чиқувчи илк Samsung смартфони – Galaxy A90 суратларда!
Машҳур видеоблогер Маркес Браунли (Marques Brownlee) стандарт Galaxy S10 модели ҳамда унинг «катта» версияси – Galaxy S10+ смартфонларининг биринчи видеотавсифини тақдим этди. Лекин расмий тақдимотдан аввал смартфонларнинг ҳақиқий ишлаётган намуналарини кўрсатиш мумкин эмас. Шу боис, Браунли ҳам ритейлерлар ва операторлар демонстрацион мақсадларда қўлловчи, ҳар томонлама аслидек қилиб ишланган макетлардан фойдаланган.
Браунли аввал ҳеч ким эътибор қилмаган бир жиҳатга диққат қаратган: аввалги «аждодларининг корпуслари бурчаклари думалоқроқ бўлса, Galaxy S10 моделларида уларнинг бурчаклари ўткирроқ. Янги флагманлар кўпроқ Galaxy Note туркумидаги фаблетларга ўхшаб кетади.
Булар билан бирга яна Galaxy S10 E (ёки S10 Lite) деб номланувчи «кичик» флагман ҳам 20 февралда расман тақдим этилади. Ҳозиргача бозорга чиққан айрим Samsung смартфонларини эса ҳозирданоқ Terashop.uzинтернет-дўконимиздан, 949 000 сўмдан бошланган нархларда сотиб олиш мумкин.
ЎҚИНГ: Энг арзон Samsung смартфонлари – Galaxy M10 ва M20 сотувга чиқди, нархлари билан танишинг!
