ЭКСКЛЮЗИВ ВИДЕО: мустаҳкамлигини синаш учун яп-янги iPhone XR’ни тирнаб, ёндириб ва букиб кўришди!

  •   DiMaX
  •  946
  •  29.10.2018 17:59

ЭКСКЛЮЗИВ ВИДЕО: мустаҳкамлигини синаш учун яп-янги iPhone XR’ни тирнаб, ёндириб ва букиб кўришди!

Apple корпорацияси жорий йилнинг 12 сентябрида iPhone XS, ХS Max ва iPhone Хr смартфонларини ҳамда янги Apple Watch соати тақдим этилганидан хабарингиз бор. Ўзининг дроп-тестлари билан танилган Зак Нильсон булардан бирининг мустаҳкамлигини синаб кўргани ҳақида ҳам ёзганмиз.

ЎҚИНГ: Дроп-тест: Машҳур видеоблогер iPhone XS’ни синдиришга уриниб кўрди. Хўш, натижаси-чи?

Сотувга ҳали яқинда чиққан iPhone XR модели ҳам JerryRigEverything канали муаллифи қўлига тушиб қолди. Зак Нильсон бу айфонни анъанавий усулллари билан синаб кўрди.

Маълум бўлишича, купертинолик техногигантнинг бу йилги энг арзон айфони бўлган iPhone XR корпуси ҳам худди унинг флагманлари сингари мустаҳкамликка эга экан. Яъни, унинг экрани ёхуд орқа панели тирналишидан қўрқмасдан, чўнтакка калит ва бошқа металл буюмлар билан бирга солиб юраверса бўлар экан.

Лекин унинг ён қирраси бўёғи нисбатан тезроқ кўчадиган чиқиб қолди. Бунга эса корпус ромининг материали сабаб, дейишмоқда. Зеро, iPhone XS ҳамда ХS Max корпусининг роми жарроҳлик пўлатидан, iPhone XR роми эса алюминийдан ишланган.

Оловли синовдан ҳам iPhone XR яхши ўтиб олди: ёндиргич алангасидан унинг IPS-экранида доғ пайдо бўлди, аммо тезда йўқолиб кетди. Шунингдек, мазкур смартфон корпусини букишга уриниб кўрган видеоблогер бу ишнинг беҳуда эканини эътироф этган – айфон анча мустаҳкам экан.

Куни кеча Зак Нильсон бошқа бир компаниянинг янги флагманини синаб кўриб, юқори баҳолаган эди.

ЎҚИНГ: ВИДЕО: «қурилмаларни қийновчи» JerryRigEverything йилнинг энг мустаҳкам смартфонини эълон қилди

Мана, iPhone XR моделининг мустаҳкамлик синовини қуйидаги видеолавҳада кўрамиз:

Ушбу айфоннинг ягона заиф томони – асосий камерасининг шишаси бўлиб чиқди. Унга Apple айтганидек сапфир эмас, балки корпуснинг олд ва орқа панелларидаги сингари оддий ҳимоя шишаси қопланган экан. Шу боис iPhone XR модели беш баллик тизимда «4+» баҳо олди, дейиш мумкин.

Айтиш керакки, Terashop.uz интернет-дўконимизда ҳозирча iPhone XR модели бўлмаса-да, у ерда бошқа русумлардаги айфонларни онлайн харид қилишингиз мумкин.

ЎҚИНГ: Чегирмали iPhone Xs, Xs Max ва бошқа айфонларни Terashop.uz’дан олинг (2018 йил 9 октябрь) – харидингиз Ўзбекистон бўйлаб бепул элтиб берилади!

Сайтимизнинг энг чиройли расмларини Инстаграмдаги саҳифамизда томоша қилинг!