ЭКСКЛЮЗИВ ВИДЕО: Xiaomi’нинг энг қиммат флагманини букиб, тирнаб, ёндириб синаб кўришди!

  •   DiMaX
  •  1729
  •  01.10.2018 16:15

ЭКСКЛЮЗИВ ВИДЕО: Xiaomi’нинг энг қиммат флагманини букиб, тирнаб, ёндириб синаб кўришди!

Смартфонлар дроп-тестлари, уларнинг ичини очиб кўришлар йўналиши бўйича энг машҳур видеоблогерлардан бири Зак Нельсон (Zach Nelson) ҳисобланади. У ўзининг  JerryRigEverything номли YouTube-каналида яна битта тест видеосини эълон қилди.

ЎҚИНГ: Дроп-тест: Машҳур видеоблогер iPhone XS’ни синдиришга уриниб кўрди. Хўш, натижаси-чи?

Зак Нельсоннинг навбатдаги «тажриба қуёнчаси» – Xiaomi компаниясининг энг қиммат, энг илғор Mi 8 Explorer Edition флагмани бўлди. Видеоблогер уни ишдан чиқариш учун қанчалик ҳаракат қилиш кераклигини амалда кўрсатиб берди.

Маълум бўлишича, смартфоннинг орқа панели, асосий камера модули ҳамда экранни тирнаш анча қийин экан. Яъни, бу смартфонни чўнтакка – калитлар, тангалар ва бошқа майда-чуйда металл буюмлар ёнига бемалол солиб юрса бўлади. Лекин корпусининг алюминийдан қилинган қирраларини металл предметлар тирнаши мумкин. Шунингдек, Mi 8 Explorer Edition дисплейида аланга таъсирида сарғиш доғ пайдо бўлади ва у кейинчалик ҳам йўқолиб кетмайди.

Булардан ташқари, мазкур флагман корпуси анча бақувват экан – у қўл кучи билан озгина ҳам букилмаган.

ЎҚИНГ: Xiaomi Mi 8 Explorer Edition: хотираси турли конфигурацияда бўлган ажойиб флагман

Мана, мазкур синов жараёнларини қуйидаги лавҳада томоша қиламиз:

Гувоҳи бўлганингиздек, блогер Mi 8 Explorer Edition смартфонини қисман очиб ҳам кўрган. Корпуснинг орқа қопқоғини очиб, айрим қисмларини кўрсатган.

Хабарингиз бор – «хитойча Apple»нинг бир қатор моделлардаги смартфонлари Terashop.uz интернет-дўконимизда савдога қўйилган.

ЎҚИНГ: Terashop.uz’даги 1 500 000 сўмгача нархли Xiaomi смартфонлари (2018 йил 19 сентябрь) – харидингиз Ўзбекистон бўйлаб бепул элтиб берилади!

Terabayt.uz сайтининг видеолари: Youtube'даги каналимизда!