ЭКСКЛЮЗИВ: Xiaomi ҳали кўрсатмаган Redmi Note 6 Pro билан илк «жонли» видеотавсифда батафсил танишамиз!
«Хитойча Apple» августдаёқ тайёрлаган Redmi Note 6 ҳамда Note 6 Pro смартфонлари турли мамлакатларда сертификациядан ўтказилганлигидан хабарингиз бор. Ҳали тақдим этилмай туриб аллақачон сотувга ҳам чиқарилган Redmi Note 6 Pro моделининг «жонли» суратларини ҳам эълон қилганмиз.
ЎҚИНГ: Ҳамёнбоп, лекин нақ тўртта камерали Redmi Note 6 Pro’ни «жонли» расмларда кўринг!
Энди эса ушбу смартфоннинг «жонли» тарздаги биринчи видеотавсифи ҳам интернетга чиқиб кетди. Уни покистонлик видеоблогер Билол Мунир ўз тилида тақдим этган; аммо асосий маълумотлар инглиз тилидаги субтитрлар тарзида ҳам кўрсатилган.
Шу билан бирга, унинг айрим техник хусусиятлари аввал тахмин қилинганларидан бошқачароқ эканлиги ҳам маълум бўлди. Жумладан, Redmi Note 6 Pro’нинг «электрон юраги» Qualcomm Snapdragon 660 эмас, балки якка кристалли Snapdragon 636 чипи экан.
Xiaomi негадир ҳозиргача Redmi Note 6 Pro смартфони ҳақида бирорта ҳам расмий маълумот бермаяпти. Лекин компаниянинг аксарият русумлардаги смартфонларини, ҳатто яқинда тақдим этилган «Тезкорлик устаси» – Pocophone F1 ҳамёнбоп флагманини ҳам Terashop.uz интернет-дўконимиздан расмий кафолати билан онлайн олишингиз мумкин.
