Экспертлар Apple’нинг “қотили”ни айтишди

Америкалик бир гуруҳ ахборот-коммуникация технологиялари таҳлилчилари Xiaomi ва Apple IT компанияларининг ривожланиш стратегиялари таҳлилига асосан, уларнинг истиқболларини башорат қилдилар.

Натижаларга кўра, хитойлик бренд, ривожланиш кўрсаткичларига кўра Apple’нинг муваффақиятини такрорлаётган Xiaomi тез орада жаҳоннинг биринчи рақамли IT ишлаб чиқарувчисига айланиб, рақибларининг инқирозга юз тутишига сабабчи бўлади. Таҳлилда қайд этилишича, Xiaomi маҳсулотларини деярли таннархида сотмоқда ва бу унга америкалик ашаддий рақиби бўлмиш Apple устидан ғалаба қозонишининг бош омили бўлади.

Таҳлилчилар хитойлик ишлаб чиқарувчининг яна бир сиёсатини эътироф этишмоқда: Хитойда Google хизматларидан воз кечилган бўлиб, Xiaomi яқин йиллар ичида иловалар савдосидан катта фойда кўра бошлайди. Xiaomi’нинг айтишича, компания Apple’дан фарқли равишда, Андроид қурилмалари орасида энг яхши бўлган MIUI мобиль тизимини ҳар ҳафта янгилайди.

Экспертларнинг фикрича, Apple гаджетлари йилдан йилга қимматлашса ҳам, аммо техник жиҳатдан деярли ўзгаришсиз қолмоқда. Xiaomi эса бундан фойдаланиб, сифатли гаджетлари билан жаҳон бозорини жадал забт этмоқда. Айфоннинг қимматлашуви шу тахлит давом этса, харидорлар яқин орада битта айфон пулига 4 та хитойлик бренднинг смартфонидан олишлари мумкин бўлади.