Экспертлар фикри: iPhone XS’га қараганда Note9 зўр экан

Consumer Reports нашри iPhone XS   ва iPhone XS Max смартфонларининг тўлиқ шарҳини ва тест натижаларини эълон қилди. Экспертларнинг ёзишича,  бу йилги моделларнинг «энг сезиларли ўзгариш»лари мустақил ишлаш вақти бўлган, камера эса бироз яхшиланган. Охир оқибат шу бўлдики,  iPhone XS модели Galaxy Note9’ни Consumer Reports тузган рейтинг бўйича энг яхши смартфон мартабасидан тушира олмади.

Аммо Apple  техникалари ихлосмандлари учун яхши хабарлар ҳам бор. Лаборатория тестлари бўйича «ҳар кунги ўртача фойдаланиш»да янги флагманнинг мустақил ишлаш вақти билан боғлиқ вазият унчалик ёмон эмас. iPhone XS тестда 24,5 соат,  Max эса — 26 соат (Samsung қурилмалари ҳам тахминан шунча вақт) ишлади.  iPhone X учун натижа 19,5 соатни ташкил этди.

ЎҚИНГ:Galaxy S9 текинга тарқатилди: Apple гаджетларига қарши янгича маркетинг юришлар

Шу билан бирга, Consumer Reports iPhone XS ва iPhone XS Max’нинг рақобатчиларига қараганда сезиларли даражада секин зарядка олишини ҳам аниқладилар. iPhone XS 195 дақиқада тўлиқ қувват олади, Max эса  210 дақиқада. Маълумот учун, Note9 105 дақиқада қувват тўлиқ олади, яъни икки баробар тез.

Дарвоқе, экспертларнинг тан олишича, янги  iPhone рақобатчиларига қараганда “бироз яхши” суратга олади. Мустаҳкамлиги бўйича ўтказилган тестда эса Apple флагманлари 50 мартага ерга тушиб кетса чидайди, Note9’ни эса 100 марта ерга ташлашди, лекин ойнаси барибир синмади. Натижада Consumer Reports iPhone XS ва iPhone XS Max моделларига 82 балл беришди. Бу Galaxy S9’дан (81) озгина  кўп, лекин  Note9’дан (83) оз.

ЎҚИНГ:Apple’да яна муаммо: iPhone смартфонларида соат тўхтаб қолмоқда