Экспертлар: Планшетлар бозорида Windows`нинг улуши ўсмоқда

Strategy Analytics компаниясининг 23 ноябрь кунги ҳисоботида ёзилишича, сўнгги 9 ой мобайнида планештлар бозорида Windows`нинг улуши сезиларли даражада ошган.

Windows 10 операцион тизимига талаб планшетлар бозорида кучли ва бу тенденция яқин йилларда ҳам сақланиб туришига экспертларнинг ишончи комил.

Жорий йилнинг дастлабки 9 ойида планшетларга Windows ўрнатиш 58 %га ўсган. Тўрт йилдан сўнг Windows юклаб олган қурилмалар сони 49 миллионга етади ва бу билан 120 % фоизлик ўсишга эришилади, дейди таҳлилчилар.

Экпертларнинг таxминича, Windows`нинг ўсиши Android планшетларнинг “ризқини қияди”, бироқ бу Apple компаниясининг “арзандаси”—iOS га катта таъсир ўтказмайди. Android бошқарувидаги қурилмалар 9% фоиз, iOS бошқарувидаги планшетлар эса 1 %га қисқариши мумкин.

Strategy Analytics мутахассислари фикрига кўра, корпоратив бозорда ҳам асосий “ўйинчи” Windows белгили планшетлар бўлади. Чунки келажакда айнан шу турдаги операцион тизимга талаб катта бўлади ва шахсий компьютерлар ўрнини барча имкониятларга эга трансформер қурилмалари эгаллайди.