Электромобиллар энди атиги 5 дақиқада олган қуввати билан 200 километр юради!
Japan Electric Vehicle Fast Charger Association компанияси электрокарларни қувватловчи янги – CHAdeMO 3.0 стандарти устида ишламоқда. Унинг шарофати билан электромобилларнинг 5 дақиқа давомида олган заряди 200 километр йўл босишга кифоя қилади.
ЎҚИНГ: Билл Гейтс илк электрокарини сотиб олди – Tesla’никидан тўрт баравар қиммат! (+видео)
Бундай самарадорликка асосан электрокарни қувватлаш тезлигини ошириш орқали эришилади; бунда 500 киловаттгача каттайтирилган (ток кучи 600 амперлик бўлганида) блок қўлланади. Бу – ҳозирда электрокарлар автономлигини оширишнинг энг оқилона усулидир; зеро, уларнинг аккумулятори сиғимдорлигини оширувчи бирор технология яқин орада пайдо бўлиши даргумон.
Бундан ташқари, CHAdeMO 3.0 стандарти қувватлаш станцияларининг универсаллиги билан ҳам аҳамиятга молик. Зарядлаш қурилмаларининг ҳажми кичрайгани эвазига бундай станциялар ихчамлашганини ҳам таъкидлаш ўринли. Тағин уларнинг қизиб кетмаслиги учун суюқликли совитиш тизими ҳам қўлланади.
Дарвоқе, энг арзон – иккита смартфон нархидан салгина қимматроқ бўлган электромобил тақдим этилганидан хабарингиз бормиди? Шунингдек, битта электромобил нархида сотилаётган смартфон қайси эканини биласизми?
ЎҚИНГ: Tesla’нинг бизга кераги йўқ – энди Андижонда ҳам электромобиль ишлаб чиқарилади!
