Электрон татуировка — келажак технологияси ривожланмоқда
2050 йилга келиб тери мобиль алоқа қурилмалари бошқарувининг “бош станцияси”га айланади, дейишса ишонаверинг. Google ҳамкорлигида Германиянинг Саарланд университети яратаёган инсон терисига мўлжалланган сочдан ҳам юпқа электрон татуировка орқали ҳозирча смартфонни бошқариш мумкин бўлади.
Электрон татуировка теридаги ўзгаришларга кўра, қурилмага маълумот узатади. Мисол учун, электрон татуировкани бармоқ билан силаш орқали мусифа овозини кўтариш ёки пасайтириш, бармоқни эгиш орқали мусиқани тўхтатиб қўйиш мумкин. Шунингдек, кафтни очиб ёки ёпиш орқали ҳам электрон қурилмаларга бирор буйруқни бериш мумкин.
Бу каби татуировкани яна бир ажойиб жиҳати шундаки, у ўзидан электр нурини таратади. Дейлик, сизга смс-хабар келса, бу нур сизга белги беради. Ёки телефондаги севимли илованинг бош ҳарфи, масалан Facebook’нинг ‘F’ ҳарфини бармоқ орқали ясаб, уни ишга тушириш мумкин.
Экспертларнинг фикрича, инсон танасидаги рақамли татуировка бўғимлар фаолиятини яхшилаб, ажинларнинг олдини олади ва терини доғлардан ҳимоя қилади.
Қуйидаги видеода бу борадаги илк ютуқларга гувоҳ бўлинг:
