Элликка яқин Huawei смартфони EMUI 9.1’гача янгиланяпти!
Хитойлик техногигант яқинда P30 ва P30 Pro флагманлари билан бирга намойиш этган EMUI график қобиғининг янги версиясини тарқатилиш режалари билан бўлишди. Деярли 50 та қурилма янгиланган фойдаланувчи интерфейси ва функциялари, янада юқори самарадорлик ва тезкор ишлаш принципига эга бўлади.
ЎҚИНГ: Apple билан Qualcomm ўзаро ярашиб, Intel ва Huawei’ни «ўйиндан чиқаришди»
Huawei 49 та смартфон ва планшетини EMUI 9.1 гача янгиламоқда. Биринчи апдейтга Mate 20 линейкасидаги қурилмалар эга бўлади: Mate 20, Mate 20 Pro, Mate 20X ва Mate 20 Porsche Design. Ушбу моделларга аллақачон график қобиқнинг бета-версиясини ўрнатиб олиш мумкин.
Mate 10, Mate 9, P20, P10 линейкалари, шунингдек, Nova 4, Nova 3, Nova 3i, Nova 2s, Honor 8A, Honor 8X, Honor 7, Honor 10, Honor V10, Honor Note 10, Honor 9, Honor V9 ва Honor Play смартфонлари учун компаниянинг ўзида ёпиқ тестлар ўтказилмоқда.
Янгиланишлар учун навбатда кейинги бўлиб nova 4e, nova 3e, Enjoy 9 Plus, Enjoy 8 Plus, Enjoy 9s, Enjoy 7s, Enjoy 9e, Honor 9 Lite, Honor 8X Max, Honor 20i, Honor 9i, Honor 7X ва бошқалар турибди. Шунингдек, прошивкани бир қатор планшетлар учун ҳам ўрнатиш мумкин бўлади: MediaPad M5 Lite (10,1 дюмлик) MediaPad M5 Lite (8 дюмлик), MediaPad M5 (10.8 дюмлик), MediaPad M5 Pro (8.4 дюмлик), Honor Tab 5 ва бошқалар.
EMUI 9.1 янги иконкаларга эга қайта ишланган интерфейс ва ўзгартирилган олдиндан ўрнатилган иловаларни ўз ичига олади. Шунингдек, график қобиқ Android иш самарадорлигини 24 фоизга ошириш, тизимнинг жавоб беришини 44 фоизга ва ташқи иловаларнинг сезгирлигини 60 фоизга ошириш имконини берувчи Ark Compiler технологиясини қўллаб қувватлайди. EMUI 9.1’га маълумотларни ўқиш тезлигини оширувчи ва қурилманинг тезкор ишлашини таъминловчи янги – EROFS (Extended Read-Only File System) файллар тизими ўрнатилган. Яна бир янгиликлардан бири – ноутбукларига тезкор маълумот узатиш бўлган.
ЎҚИНГ: Google ва Huawei бу смартфон эгаларининг ҳар бирига 400 доллардан тўлайди!
