EMUI 11 ва HarmonyOS 2.0 намойиш санасини Huawei расман эълон қилди (+видео)
Huawei компанияси HDC 2020 конференциясининг ўтказилиш кунини расман маълум қилди. Мазкур онлайн тадбирда у EMUI 11 график қобиғини, ўзининг HarmonyOS 2.0 операцион тизимини ҳамда HMS Core 5.0 учун янги жамланмаларни кўрсатиши керак.
ЎҚИНГ: Huawei иккита камерали ва NFC чипли смарт-соат тақдим этди (+видео)
Шундай қилиб, HDC 2020 маросими жорий йилнинг 10-12 сентябрь кунлари бўлиб ўтади. Huawei’нинг ҳозирги аҳволидан келиб чиқадиган бўлсак, HarmonyOS 2.0 операцион тизимининг анонси унинг учун муҳим аҳамиятга эга.
#HDC2020 is coming… it’s time to experience a fully connected, intelligent world.
— Huawei Mobile (@HuaweiMobile) August 2, 2020
Want in? Save the Date now: 10-12 September 2020.#Huawei pic.twitter.com/OMc6k13aQC
Тўғри, HarmonyOS операцион тизими бултур тақдим этилган бўлса-да, Huawei ҳозирча унда ишловчи смартфонларни оммавий ишлаб чиқара бошлагани йўқ. Лекин яқиндагина у мазкур тизимга эга бўлган BYD Han автомобилини намойиш қилган.
ЎҚИНГ: Android смартфонларни Harmony ОТга ўтказишга қанча вақт кетиши айтилди
