Энди “эгилувчан” смартфон бўлиб: афсонавий буклама Motorola RAZR қайтмоқда

Бир вақтлар Motorola RAZR компаниянинг энг машҳур аппарати бўлган эди.  Ушбу афсонавий машҳурлик яна қайтаяпти, чамаси.  Чунки, Motorola  компаниясининг яқинда тақдим этган патент ҳужжатида тахланадиган экранга эга смартфон чизмалари пайдо бўлди. Умуман олганда, бундай смартфон устида Samsung ва Huawei ҳам анчадан буён иш олиб бораётганди.

Янги патентга кўра, эндиги RAZR бир экранли “тахлама” дизайнга эга бўлади. У ўртасидан букланади. Шунга қарамай, унда худди ноутбуклардагидек қурилманинг икки бўлагини бирлаштирадиган ҳақиқий илмоқ мавжуд. Шарнир қатор конструктив муаммоларни ҳал этиши мумкин. Бу шунинг учунки, девайс очилганда тўлиқ ясси экранга айланиши керак.

Албатта, бу ҳали патент, амалда эса якуний маҳсулот бўлгунига қадар қурилма яна кўп ўзгаришларни бошдан кечириши мумкин. Шундай бўлса-да, Motorola ҳам  Samsung ва Huawei каби ўзининг тахлама смартфонини чиқаришга жуда яқин турибди, дейишимизга асос етарли.