Энди Galaxy A6s: Samsung Galaxy P30 смартфонининг номини ўзгартирди

Бундан бир ҳафта аввал  Samsung янги Galaxy P30 смартфонлар линейкасини чиқараётгани ҳақда хабарлар тарқалганди. Шунингдек, янги қурилмаларнинг деталлари ҳам флагманча бўлиши ва шунга яраша нарх қўйилиши ҳам айтилганди.

Шу кунларда маълум бўлдики, Жанубий Кореянинг электроника гиганти янги сериядан воз кечишга қарор қилган. Демак, Galaxy P30 смартфонини кутмаса ҳам бўлади.

Аммо, бу янги смартфон умуман бўлмайди дегани эмас, албатта. У албатта чиқади, фақат бошқа номда бўлади. Хўш қандай номланади? Бу саволга PhoneArena нашри ўзининг ресурслари орқали аниқлик киритди.

ЎҚИНГ:Galaxy P30 смартфонининг «жонли» расмлари Samsung мухлисларининг ҳафсаласини пир қилди!

Кутиб олинг! Қаршингизда Galaxy A6s

Энди Galaxy P30 ва P30+ ўрнига Samsung Galaxy A6s ва Galaxy A6s+ моделларини чиқаради.

Тўғри, шундай ном билан янги қурилмалар Хитой бозори учун чиқарилади ва маҳаллий ишлаб чиқарувчиларнинг смартфонлари билан рақобатлашади. Ушбу смартфонлар бошқа мамлакатга бошқача ном билан кириб бориши эҳтимолдан узоқ эмас, дейилади ушбу хабарда.

Galaxy P30 смартфони ЖК-экрани, экран остида бармоқ излари сканери (бўлмаслиги ҳам мумкин), 6 ГБли тезкор хотира билан таъминланади. Қурилмалар бир йўла тўртта градиентли рангларда таклиф этилади.

ЎҚИНГ:Samsung Galaxy Grand Prime+ Mediatek процессорида ишлайдиган илк Samsung cмартфони бўлиши мумкин