Энди ниқоб билан iPhone'ингизни қулфдан чиқариш янада осон бўлади

Энди ниқоб билан iPhone'ингизни қулфдан чиқариш янада осон бўлади

Юз ниқобини таққан ҳолда смартфонни қулфдан чиқара олмаслик ривожланган давлатлар аҳолиси дуч келадиган муаммолар қаторида етакчилик қилади.

Шу сабабдан ҳам, Apple 2017 йилда тақдим қилган Face ID технологиясини янада ривожлантиришга қарор қилди. Бироқ ушбу қулайликдан фойдаланмоқчи бўлсангиз, Apple Watch ҳам сотиб олишингиз керак бўлади.

iPhone'даги Face ID текширувидан Apple Watch ёрдамида ўтишни қуйида тушунтириб ўтамиз.

Таъкидлаш жоизки, айни дамда, Apple'нинг юз ниқоби билан iPhone'ни очиш функцияси бета талқинда тайёр, ушбу қулайлик ҳозирча кенг оммага тақдим қилинганича йўқ. Ушбу янгиланиш барча фойдаланувчиларга келаси iOS ва watchOS апдейтлари билан бирга жўнатилади.

Агар бета дастурда иштирок этишга қизиқаётган бўлсангиз, ҳар икки қурилмангиз учун янги бета янгиланишини ўрнатинг. Агар бета босқичи тугашини кутмоқчи бўлсангиз, бу ҳам яхши қарор. 

Янгиланишни ўрнатиб бўлганингиздан сўнг, Созламалар иловасига ўтиб, Face ID ва Пароль ойнасини очинг. iPhone'ингиз пароли ва смартфонни қулфдан чиқарувчи комбинацияни киритинг. Сўнг, экран остига тушиб, Apple Watch билан қулфдан чиқариш (Unlock with Apple Watch) ни чертинг.

Мана шу ойнадан қайси Apple Watch ёрдамида iPhone'ингизни қулфдан чиқармоқчилигингизни танланг ва Ёқиш слайдерини суриб қўйинг.

Параматерлар созланди, энди ниқобингизни тақиб, iPhone'ингиз экранини тепага тортсангиз, қулф экрани очилади. Билагингиздаги соат смартфон қулфи муваффақиятли очилганини билдириб вибрация беради. Бори шу!

Фақат бир неча жиҳатни ёдда сақлаш керак. Соатни таққангизда ундан фойдаланиш учун соатнинг алоҳида махсус пароли бўлиши керак ва iPhone'ни қулфдан чиқариш пайтида соат қўлингизга тақилган бўлиши зарур. 

Шуларнинг ҳаммасини тўғри созласангиз, жамоат жойлари ва супермаркетларда iPhone'ингизни қулфдан чиқариш учун ниқобингизни ечмасангиз ҳам бўлади.

ЎҚИНГ: Apple умуман iPhone 13 номли смартфон чиқармаслиги мумкин!

Сайт янгиликларидан доимий хабардор бўлиш учун Телеграм каналимизга қўшилинг!