Энди «Одноклассники»дан пул юбориш мумкин

Энди «Одноклассники»дан пул юбориш мумкин

«Одноклассники» ижтимоий тармоғи ва ВТБ 24 банки ҳамкорликда фойдаланувчилар ўзаро пул ўтказмаларини амалга оширадиган махсус хизматни йўлга қўймоқда. Бу ҳақида компаниянинг расмий манбасига таяниб, «Коммерсантъ» нашри хабар бермоқда.

Янги тизим 800 минг рублгача пул ўтказиш имконини беради. Хизмат ишга тушгач, уч ой мобайнида юбориладиган 500 рублгача суммадан бадал олинмайди. Кейинчалик эса жўнатмадан олинадиган улуш миқдори, агар 500 рублдан ошмаса, 30 рубль бўлади, 501 рублдан 8000 рублгача бўлган пул маблағидан эса 60 рубль олинади.

Пулни жўнатиш учун ижтимоий тармоқ аъзолари жўнатилаётган одамни аниқ кўрсатиши, унинг картаси ва пул миқдорини белгилаши керак. Жўнатмаларни халқаро тўлов тизими (MasterCard, Maestro, Visa) ёрдамида ҳам амалга ошириш мумкин.

«Одноклассники» ва ВТБ 24 ўртасидаги келишувнинг шартлари ҳозирча ошкор қилинмади.

Маълумот ўрнида айтиш мумкинки, айни кез ижтимоий тармоқнинг 50 миллион нафарга яқин фойдаланувчиси бор. Улардан 8 млн нафар одамнинг картаси «Одноклассники»га боғланган. Шу боис, бу компания томонидан зарурий хизмат сифатида баҳоланмоқда.

Сайтимизнинг энг чиройли расмларини Инстаграмдаги саҳифамизда томоша қилинг!