Энди Ўзбекистонда ҳам Apple смартфонлари 5G ни қўллаб-қувватлайди

Энди Ўзбекистонда ҳам Apple смартфонлари 5G ни қўллаб-қувватлайди

Энди Ўзбекистондаги iPhone эгалари ҳам 5G тармоғидан фойдаланишлари мумкин. Ўзбектелеком АК (Uztelecom) алоқа оператори Apple компанияси билан ҳамкорликларда Ўзбекистонда биринчи марта iPhone смартфонларининг 5G функцияси очилганлигини эълон қилди.

Маълум бўлишича, Apple смартфонларига 5G қўллаб-қувватланиши iOS 16.4 янгиланиши орқали келади. Ушбу версияга янгиланган iPhone эгалари 5G функциясини ёқишлари мумкин бўлади.

"Аввал хабар қилинганидек, “Ўзбектелеком” АК ўзининг техник базасини кенг кўламли модернизация қилиш лойиҳасини ишга туширди, бунинг натижасида Тошкент шаҳрида 5G қамрови ва мамлакатимиз ҳудудларида бешинчи авлод алоқаси босқичма-босқич жорий этилади", – дейилади Uztelecom хабарида.

Apple компанияси ўзининг iPhone смартфонлари учун iOS 16.4 версиясини расман кеча чиқарди. Ушбу янгиланиш клавиатура учун бешта янги ҳайвон, иккита янги қўл ҳаракати, учта янги рангли юрак ва най, марака каби бир нечта янги буюмлар эможиларини ўз ичига олади.

Сурат муаллифи: Emojipedia

Бундан ташқари, янги версияга Voice Isolation (овоз изоляцияси) – қўнғироқ вақтида атрофдаги шовқинларни блокировка қилиш учун мўлжалланган хусусият ҳам қўшилган. Шу ва бошқа янгиликлар билан бирга бир қанча хатоликлар ҳам тузатилган.

Сурат муаллифи: Apple

5G га қайтадиган бўлсак, ушбу функцияни сиз ўзингизни iOS 16.4 га янгиланган iPhone смартфонингизда Settings > Cellular > Cellular Data Options > Voice & Data (русчада: Настройки > Сотовая связь > Параметры > Голос и данные бўлимидан ёқишингиз мумкин.