Энди Redmi Note 8 Pro ҳақида янада кўпроқ биламиз!

Redmi Note 8 ва Note 8 Pro'лар бугун, 29 август куни, тақдим қилинади. Смартфоннинг Pro модели ўзининг тўрт камерали модулидаги 64 мегапикселли объективи билан мақтанса, оддийроқ версияси 48МП датчикка эга бўлади. Xiaomi ушбу икки гаджет ҳақида яна қўшимча маълумот берди. Унга кўра, Note 8 Pro Helio G90T процессорида ишлайди, Note 8 эса Snapdragon 665 га эга бўлади.

Смартфонларнинг расман очиқланмаган бошқа жиҳатларини қуйидаги сизиб чиққан жадвалдан топиш мумкин. Нархлар эса ундан кейинги жадвалда келтириб ўтилган.Юқоридаги жадвалга кўра, Redmi Note 8 Pro'да 1080p+ резолюцияга эга 6,53“ катталикдаги IPS LCD дисплей ўрнатилган бўлади. Дисплейни Gorilla Glass 5 ойнаси ҳимоялаб туради; томчи камера эса панелнинг энг юқорисидан жой олади. Қурилма оғирлиги 199 граммга тенг бўлиши ҳам жадвалда кўрсатиб ўтилган.

Камера жамланмаси 64 мегапикселли Samsung GW1 сенсори (1/17“, 0.8µм пиксел), 8МП ўта кенг бурчакли камера, 2МП макро камера (фокус узунлиги 2 см га тенг) ҳамда 2МП сатҳ камерасидан тузилган бўлади. Pro бўлмаган Note 8'нинг асосий камераси (48МП) дан бошқа барча объективлар Pro талқинидаги сенсорлар билан бир хил. Бу хусусиятлар Realme'нинг янги линейкаси гаджетлариники билан ўхшаш.

4,500 мА/соат ҳажмли аккумулятор USB-Power Delivery'дан фойдаланган ҳолда 18 ваттгача бўлган тезкор зарядлашни қўллаб-қувватлайди. Quick Charge 4.0+ ва Pump Express'лар ҳам қўллаб-қувватланади. Портларга тўхталсак, смартфонда USB-C, унга ёнма-ён 3.5 миллиметрли аудио жек ҳам ўрнатилган.

Note 8 Pro'нинг Helio G90T CPU'сига 6ГБ тезкор ва 64ГБ доимий хотира шерик қилинган; хотира сиғими максимал 8/128ГБгача бўлган талқини ҳам мавжуд бўлади. Note 8 билан эса фақат 4/64ГБлик танловга эгамиз. Смартфонлар нархларини қуйидаги жадвалдан кўриш мумкин:

Xiaomi, шунингдек, Redmi Note 8 Pro'нинг қутиси расмини ҳам тақдим қилди, лекин бундан кўп маълумот олиб бўлмайди.ЎҚИНГ: Redmi Note 8 Pro қанчалик мустаҳкамлигини учта видеода кўрсатиб беришди!