Энди Samsung Galaxy S10'да ҳам Note 10'нинг қатор функцияси бор!

Galaxy Note 10 релизидан кўп ҳам ўтмай Samsung эътиборини ручкасиз флагманлари: Galaxy S10, S10e ва S10+'ларга қаратмоқда. Galaxy S10 оиласининг Европа бозори учун чиқарилган Exynos талқинларига етиб келган тизим янгиланиши билан ушбу смартфонларда Note 10 камерасининг бир қатор функциялари ва DeX for PC мавжуд бўлади.

Тизим янгиланиши маълумотлари:
•Версияси: G973FXXU3ASIG/G973FOXM3ASIE/G973FXXU3ASIE
•Ҳажми: 1234.38МБ
•Хавфсизлик патчи даражаси: 1 сентябрь, 2019 йил

Янгиланишлар:
•Камерага қўшилган янги функциялар: Жонли фокус, Жонли фокус видео, АR Дудл, Тун, Супер барқарор
•Link to Windows, Динамик блок экрани, DeX for PC
•Видео таҳрирловчининг ишлаши яхшиландиGalaxy S10'лар камераси энди Note 10'да бўлган кўплаб фунскияларни амалга ошира олади. Тунги режим селфи камераларга ҳам қўшилди, энди қоронғида ҳам анча сифатли селфилар олиш имкони бўлади. Видео режимга такомиллаштирилган стабилизациялаш, АR дудллар, видеолар учун жонли фокус (бу билан боке эффектини ҳосил қилиш мумкин бўлади) қўшилган. Видеоларни ёзиб бўлганингиздан сўнг, Галерея иловаси орқали уларни осонлик билан телефоннинг ўзида таҳрирлай оласиз.DeX for PC билан эса Samsung'ингизни Windiws ёки Mac'ка улай оласиз. Буни амалга ошириш учун компьютерингизга Samsung DeX дастурини ўрнатиб, USB орқали S10'ингизни улайсиз. Дастур смартфонингизнинг компьютерга мослаштирилган интерфейсини PC мониторида кўрсатади ва Samsung'нинг оптималлаштирилган иловаларидан компьютернинг ўзида фойдалансангиз бўлади. Microsoft'нинг Link to Windows иловаси дастур янгиланиши билан автоматик равишда смартфонингизга ўрнатилади. У билан матнли хабарлар ва расмларни компьютерга симсиз синхронлаш мумкин. Сизга тизим янгиланиши ҳали етиб келмаган бўлса ҳам, бу иловани Play Market'дан юклаб олишингиз мумкин.

Galaxy S10e, S10 ва S10+'ларнинг Европа версиясига келаётган ушбу янгиланиш қурилманинг хавфсизлик даражасини сентябрь ойигача кўтаради. Агар Европада бўлмасангиз ёки сизда Snapdragon бўлса, янгиланиш келишини бироз кутиб туришингизга тўғри келади. Galaxy S10 5G эса қачон янгиланиши ҳақида ҳозирча маълумот йўқ.

ЎҚИНГ: Samsung'ларга Android 10 қачон етиб келади?