Энди Tesla ҳам қувватлагичларни қизғонишни бошлади

Энди Tesla ҳам қувватлагичларни қизғонишни бошлади

Twitter фойдаланувчиларидан бири, Tesla'нинг қўллаб-қувватлаш саҳифасини янгиланганини ва эндиликда компания янги харид қилинган электромобиллари учун Gen 2 мобил улагичи тўпламини қўшиб беришни тўхтатганлигини пайқаб қолди ва кейинчалик бу янгилик компания раҳбари Илон Маск томонидан ҳам тасдиқланди. Миллиардернинг айтишича, мобил коннекторлардан фойдаланиш статистикаси жуда паст бўлган ва шунинг учун уларни қўшиб бериш исрофгарчиликдек туюлган. Лекин ҳар ёмоннинг бир яхшиси бор деганларидек, энди мобил улагичлар тўпламига кўпроқ вилка адаптерларини қўшилиши маълум қилинган.

Gen 2 мобил улагичлар тўплами

Ҳайдовчиларга ҳар қандай 110 ваттлик розеткага суқиб электромобилларини қувватлаш имконини берувчи Gen 2 мобил улагичлар тўплами эндиликда Tesla онлайн дўконида алоҳида сотилмоқда. Илон Маск "қабул қилинган фикр-мулоҳазаларга асосланиб", олдин 400 доллар бўлган мобил коннектор нархини 200 долларгача туширишни айтди, аммо, айни вақтда Tesla онлайн дўконида унинг нархи $275 этиб белгиланган, лекин уни хоҳласангиз ҳам ҳозир сотиб ололмайсиз, чунки у ҳозирда сотувда мавжуд эмас.

Шунингдек, миллиардернинг сўзларига кўра, агар фойдаланувчилар уйларида деворга ўрнатиладиган улагичлари бўлса ёки автомобилни қувватлашда Supercharger'лардан фойдалансалар уларга мобил коннекторлар керак эмас. Лекин айрим ҳайдовчиларнинг фикрларига кўра, мобил улагичлар саёҳат қилишда жуда керакли бўлиши мумкин ва гарчи улар билан машина бироз секин қувватланса ҳам, бир соатлик зарядлашдан билан 5 километргача масофани босиб ўтса бўлади.

2020 йилда Apple ўзининг янги iPhone'ларига зарядловчи қурилмаларни қўшишни тўхтатган эди. Ундан кейин эса Samsung ва Google каби бошқа гигант смартфон ишлаб чиқарувчилари ҳам купертиноликлар изидан юрдилар. Аммо, ҳозирда бошқа электромобил ишлаб чиқарувчи компаниялар ҳам Tesla'дан ўрнак оладими ёки йўқ буни айтиш бироз қийин.

ЎҚИНГ: Tesla, SpaceX, ана энди Twitter ҳам!