Эндигина Huawei'дан ажралиб чиққан Honor компаниясига АҚШ хавфсизлик агентлари тақиқ қўймоқчи 

Эндигина Huawei'дан ажралиб чиққан Honor компаниясига АҚШ хавфсизлик агентлари тақиқ қўймоқчи 

“The Washington Post “ нашрининг хабар беришича, АҚШ хавфсизлик агентлари Huawei компаниясининг собиқ Honor брендини қора рўйхатга киритиш ёки киритмаслик тўғрисида баҳслашмоқда. 
 
 
Пентагон ва Энергетика бошқармаси ходимлари янги компанияни қора рўйҳатга кирилишини талаб қилишмоқда, бироқ савдо ва давлат департменти бунга қарши. 
Расмийлар Honor АҚШ миллий ҳавфсизлигига рахна солишини айтишмоқда, аммо улар ҳозирча бир тўхтамга кела олишмаяпти. Айримлар эса компания Хитой ҳукумати томонидан қўллаб-қувватланганлиги учун Honor'га тақиқ қўйилиши кераклилигини таъкидлашмоқда. 
 
“The Washington Post “ нашри Honor бренди ҳозирда Zhixin New Information Technology компаниясига тегишли эканлигини эслатиб ўтди. 
 
Қарама-қарши томон эса Honor компанияси ядро материаллар ёки компонентларини ишлаб чиқармаслигини ва унинг қурилмалари АҚШда сотилмаслигини даъво қилмоқда, шунинг учун бренднинг Америка компаниялари билан савдо қилишини тақиқлаш фойда келтирмаслиги ва бу АҚШ иқтисодиётига Хитойдан кўра кўпроқ зарар келтиришини айтиб ўтди. 
 
Айрим экспертлар Honor компаниясини жосусликда айблаб, унга тақиқлар қўйилиши кераклилигини таъкидлашётган бўлса, айримлар Honor яширинча Huawei'га чип ва компонентларини етказиб бераётгани ҳақида ҳеч қандай далил йўқлиги сабабли, унга санкциялар қўллашга асос йўқлигини билдиришмоқда. Honor эса бу ҳақида ҳеч қандай расмий баёнот бермади.