Enermax Steelwing – алюминий корпусли замонавий кейс (Видео)
Enermax компанияси тўлиқ алюминийдан ишланган, модерн йўналишидаги дизайнгга эга Steelwing номли компьютер кейсини намойиш этди. Кейс ихчам micro-ATX форм-факторида яратилган бўлиб, икки ён томонига 3 мм қалинликдаги шаффоф материалдан ишланган ойна ўрнатилган.
Ишлаб чиқарувчининг айтишича, бежирим компьютер кейси замонавий ички интерьер дизайнига ҳам мос тушади. Кейснинг олд қисмига светодиодли фонга эга вентилятор жойлаштирилган. Корпус 3,5 миллиметрли юқори сифатли алюминийдан тайёрланган. Кейс панелларининг юзаси анодланиб, махсус қоришма билан ишлов берилгани боис корпус коррозияга чидамли.
Enermax Steelwing бошқа пўлатдан ишланган аналог кейсларга қараганда иссиқликни 3 марта самаралироқ тақсимлайди. Қанотсимон шаклда ишланган ярим очиқ кейснинг олд қисми оптимал ҳаво айланишини таъминлайди.
Кейсда барча порт ва мосламалар учун махсус жойлар кўзда тутилган. Ҳозирча янги маҳсулотнинг нархи эълон қилинмаган.
