Энг арзон электромобиль тақдим этилди – иккита смартфон нархидан салгина қимматроқ! (+видео)

  •   DiMaX
  •  5191
  •  03.03.2020 11:58

Энг арзон электромобиль тақдим этилди – иккита смартфон нархидан салгина қимматроқ! (+видео)

Microsoft корпорацияси асосчиси Билл Гейтс яқинда харид қилган илк электрокар – Porsche Taycan Turbo нархи 150 000 доллардан ошади. Tesla электромобиллари эса бундан анча арзон: масалан, Model 3 бошланғич комплектацияда 35 000 доллар туради.

ЎҚИНГ: Tesla Model 3 ҳимоясини бузган хакерларга электромобиль ҳадя этилди!

Франциянинг Citroën автоконцерни эса Ami русумли, дунёдаги энг арзон электромобилни намойиш қилди. Ишлаб чиқарувчи уни 6 минг долларга баҳолаган; бу эса ички хотираси 64 гигабайтлик iPhone 11 Pro Max моделидан тўрттаси нархига тенг. Хитойлик техногигант яқинда намойиш этган букламафон – Huawei Mate Xs нархи 2500 евро эканлигини ҳисобга олсак, Citroën Ami унинг иккитасидан салгина қимматроқ экан, холос!

Гапнинг очиғи, Citroën арзон электрокар яратиш мақсадида бу моделида бетакрор деталларни имкон қадар қисқартирган. Масалан, машинанинг ўнг ва чап эшиклари айнан бир хил, кузовнинг олд ва орқа қисмлари ҳам ўзаро фарқ қилмайди.

ЎҚИНГ: Қарши олинг: Cyberphone – электромобиль билан iPhone чатишмаси! (+видео)

Citroën Ami модели 6 киловаттлик двигател билан жиҳозланган; унинг аккумуляторининг битта тўла қуввати билан машина тахминан 70 километр юра олади. Тўғри, бу жуда кам масофа, аммо электрокарнинг батареясини оддий розеткадан уч соатда тўлдириш мумкин.

Бунақа заиф техник жиҳатларига кўра Ami тўлақонли автомобил эмас, балки квадроцикл ҳисобланади; шу боисдан айрим мамлакатларда уни ҳайдовчилик гувоҳномаси бўлмаган, 14 ёки 16 (мамлакатига қараб) ёшга тўлиб улгурган исталган киши бошқариши мумкин бўлади.

Қуйидаги видеода Citroën Ami электромобилини томоша қиламиз:

Citroën компаниясининг таъкидлашича, икки кишилик Ami электрокарини шаҳар ичидаги қисқа масофаларга (уйдан ишгача ва ҳоказо) сафарларда қўллаш мумкин. Бундан ошиғига у ярамайди; бунинг устига, ток манбаи бўлмаган жойларга уни миниб кетиб бўлмайди – қуввати тугаб қолса, эвакуатор чақиришга тўғри келади.

ЎҚИНГ: CES 2020: Sony кутилмаганда Tesla’нинг «панжасига панжа урди»! (+видео)

Сайтимизнинг энг чиройли расмларини Инстаграмдаги саҳифамизда томоша қилинг!