Энг арзон iPhone 13 смартфони Galaxy камерафонидан устун келди: DxOMark рейтинги
iPhone 13 Pro билан бирга DxOMark iPhone 13 mini смартфоннинг камерасини ҳам синовдан ўтказди. Маълумки, iPhone 13 mini'нинг камералари iPhone 13'ники билан бир хил, демак натижа ҳам бир хил бўлиши керак.
ЎҚИНГ: DxOMark рейтингида арзон Redmi смартфони кучли бешликка кирди!
Қурилма камера тестидан 130 баллни қўлга киритди. Бу iPhone 12 Pro Max қайд этган натижа билан тенг бўлиб, смартфон умумий рейтингда ўн биринчи поғонани эгаллади. Буни кутилмаган натижа десак мубоғала бўлмайди, чунки iPhone 13 mini'да телефото камераси мавжуд эмас. Шунингдек, унинг асосий камераси iPhone 12 Pro Max'дан олинган.
Сурат сифати бўйича смартфон 138 балл йиғган, бу 12 Pro Max қайд этган натижа билан тенг. Зум имкониятлари бўйича iPhone 13 mini қурилмаси 55 баллни қўлга киритди. Бу iPhone 12 Pro Max қайд этган натижадан бироз пастроқ, олдинги авлод смартфони 68 балл тўплай олганди. Бироқ янги iPhone видеога олишда яхшироқ натижа қайд этиб, 117 баллни қўлга киритган. iPhone 12 Pro Max эса 113 баллни қайд этган эди.
Камера тестида 130 баллни қўлга киритган iPhone 13 mini, 122 баллга эга бўлган iPhone 12 ҳамда iPhone 12 mini, шунингдек, 123 баллни қайд этган Galaxy S21 Ultra'дан устун келди.
ЎҚИНГ: DxOMark бирйўла иккита йўналишда рекорд ўрнатган янги «камерофонлар қироли»ни эълон қилди
