Энг арзон ва кучли Redmi смартфонининг намойиш кунини Xiaomi расман эълон қилди
Xiaomi компанияси Redmi бренди остидаги навбатдаги смартфон тақдимотига тайёргарлик кўрмоқда. Корпорация вице-президенти ва Xiaomi India раҳбари Ману Кумар Жейн ( Manu Kumar Jain) унинг тизерини Twitter орқали эълон қилди.
ЎҚИНГ: Узоқ кутилган Poco X2 арзон нархда тақдим этилди: сиз уни «танийсиз»!
Бундан ташқари, Xiaomi’нинг Ҳиндистондаги расмий сайтида ҳам янги қурилмага бағишланган янги саҳифа пайдо бўлган.
Демак, 11 февраль (айнан Galaxy S20 флагманлари намойиш санаси!) куни Ҳиндистонда компания янги Redmi смартфонини тақдим этади. Унинг бош камераси қўшалоқ, батареясининг ток сиғими эса 5000 мА/соатга тенг.
ЎҚИНГ: Хитой регуляторида Xiaomi’нинг яна бир – Mi Mix Fold букламафони «қўлга тушди»!
Xiaomi янги маҳсулотини MorePowerToRedmi (Янада юксак Redmi қудрати) слогани билан реклама қиляпти. Шунга кўра, айрим кузатувчилар бу куни смартфон эмас, балки, масалан – ташқи аккумулятор (повербанк) намойиш этилиши ҳам мумкинлигини айтишаётир.
Таниқли тармоқ информатори Мукул Шарма (Mukul Sharma) фикрича эса, бу ерда катта эҳтимол билан Redmi 9A смартфони назарда тутилмоқда. Агар шундай бўлиб чиқса, янги смартфон энг арзон Redmi A туркумидаги илк қўш камерали модел бўлади.
Яқин орада эса Xiaomi ўзининг флагманларининг навбатдаги вакиллари – Mi 10 ҳамда Mi 10 Pro смартфонларини тақдим қилади. Бундан ташқари...
ЎҚИНГ: Mi 10’ларни қўятуринг, Xiaomi яна бир «бомба» смартфон тайёрлаяпти! (+«жонли» расмлар)
