Энг арзон Xiaomi смартфони ҳам тақдимотга тайёр: Redmi 9A хусусиятларини FCC фош этди!
Xiaomi компанияси ҳали яқиндагина Redmi 9 моделини намойиш қилган эди. Энди эса «Хитойча Apple»нинг бу йилги энг арзон смартфони – Redmi 9A ҳам тайёр бўлибди!
ЎҚИНГ: Redmi K30 нақ юз долларга арзонлашиб, K30 Pro янги вариантда тақдим этилди
АҚШнинг Алоқа федерал комиссияси (Federal Communications Commission, FCC) маълумотлар базасида Xiaomi компаниясининг M2006C3LG кодли номи остидаги янги маҳсулоти сертификатланди. Бу ўша – Redmi 9A смартфони бўлиб, мазкур регулятор унинг айрим техник хусусиятларини ошкор этган.
Redmi 9A аккумуляторининг ток сиғими 4900 мА/соатга тенг. Смартфон частота диапазони 2,4 ГГц.лик Wi-Fi тармоқларида ишлай олади. Компания уни биратўла MIUI 12 график қобиғи билан тақдим этади.
ЎҚИНГ: Xiaomi яна тўрт хил смартфон эгаларини глобал MIUI 12’ни ўрнатиб олишга чақиряпти!
FCC фақат тайёр бўлган маҳсулотларгагина сертификат беришини ҳисобга олсак, Redmi 9A яқин орада намойиш этилади. Регулятор унинг ҳатто корпуси ўлчамларини ҳам кўрсатган:
Шу пайтгача тарқалган норасмий маълумотларга кўра, Redmi 9A аппарат таъминоти асосини MediaTek Helio A25 процессори ташкил этади. мазкур чипсет 1,8 ГГц такт частотасида ишловчи саккизта ARM Cortex-A53 ядросини, IMG PowerVR GE8320 график тезлатгичини ва 4G/LTE уяли модемини ўз ичига олади.
Redmi бу гаджетини 3/32 гигабайтлик тезкор/доимий хотира билан чиқаради.
ЎҚИНГ: Глобал прошивка, Глобал версия ва Хитой версия. Буларнинг фарқи нимада?
