Энг ингичка жағли смартфон? Realme 10 Pro+ тақдим қилинди!

Энг ингичка жағли смартфон? Realme 10 Pro+ тақдим қилинди!

Realme компанияси ўзининг бу ой бошида чиқарган Realme 10 сериясига яна иккита модел қўшди. Бири биз кеча танишган Realme 10 Pro бўлса, яна бири биз ҳозир танишадиган Realme 10 Pro+ модели эди.

Pro моделдан фарқли ўлароқ, Realme 10 Pro+ компаниянинг рақамли сериядаги смартфонлари орасида энг биринчи ён томонлари эгилган дисплейли модел бўлиб, у 6.7 дюйм ўлчам ва FHD+ резолюциядаги 120 герц янгиланиш тезлигига эга экран билан жиҳозланган ва у 0.65 миллиметр қалинликдаги супер ингичка ҳимоя ойнаси билан таъминланган. Қолаверса, смартфон 2.33 миллиметр қалинликдаги жағи (экраннинг пастки қора рамка чегараси) билан ўзига хос ҳисобланади. Таъкидлаш жоизки, ушбу кўрсаткич Galaxy S22 Ultra'да 2.6 мм.

Экраннинг юқори марказидаги юмалоқ тирқишдан 16 мегапиксел ва ф/2.45 диафрагмали селфи камера ўрин олган. Орқа томонда эса 108 МП (ф/1.75) асосий, 8 МП ултракенг ва 2 МП макро камералари ўрнатилган.

Қурилма капоти остида эса Dimensity 1080 чипсети 8/12 (+8 ГБ виртуал) ГБ оператив ва 128/256 ГБ доимий хотира бўлиб, унинг 5,000 мА/соат сиғимли батареясини USB Type-C порти орқали 67 Вт тезликда зарядлаш мумкин. 173 грамм оғирлик ва 7.78 миллиметр қалинликдаги смартфон Android 13'га асосланган Realme UI 4.0 операцион тизимида ишлайди ва у уланиш борасида 5G'ни қўллаб-қувватлайди.

Realme 10 Pro+ смартфонлари 24 ноябрдан бошлаб Хитойда сотувга чиқарилади. Смартфон нархи қуйидагича:

  • 8 ГБ + 128 ГБ – 1,699 юан (≈ 2,665,000 сўм)
  • 8 ГБ + 256 ГБ – 1,999 юан (≈ 3,136,000 сўм)
  • 12 ГБ + 256 ГБ – 2,299 юан (≈ 3,606,000 сўм)

ЎҚИНГ: Oppo А1 Pro смартфони тақдим қилинди

Terabayt.uz сайтининг видеолари: Youtube'даги каналимизда!