Энг ишончли ноутбуксозлар рейтинги эълон қилинди
Ҳар қандай гаджетни харид қилишда ҳам унинг ишлаб чиқарувчиси қанчалик ишончли эканига эътибор берилади. Жумладан, ноутбук танлашда ҳам қайси ишлаб чиқарувчининг портатив компьютерлари энг кам бузилишини билиш муҳимдир.
ЎҚИНГ: Қуввати энг узоққа етувчи 25 ноутбук
Rescuecom таҳлил компанияси ўзи тўплаган маълумотларга асосланиб, қайси ишлаб чиқарувчиларнинг ноутбуклари ишончли экани, қайсилари эса кўпроқ бузилиши борасида изланиш олиб борди. Бунинг учун у икки йил мобайнида сервис марказларидан маълумот тўплади ва уларини таққослаб кўрди. Натижада қайси ноутбуксозларнинг маҳсулотлари энг кўп бузилиши маълум бўлди.
Тадқиқотдан чиқарилган хулосалар қуйидаги жадвалда акс эттирилган. Ундаги «Computer Repair Share» устунида ҳар бир ишлаб чиқарувчининг маҳсулотини ишлатаётган фойдаланувчиларнинг неча фоизи сервис марказига мурожаат этишлари акс эттирилган:
Гувоҳи бўлиб турганингиздек, энг «бузилувчан» портатив компьютерлар ишлаб чиқарувчиси – HP компанияси экан! Унинг ноутбукларидан нақ 37,3 фоизи қурилмани таъмирга олиб бораётгани аниқланган. Демак, ҳар учта HP ноутбукидан бири бузилаётган ва унинг «касал»ини сервис марказидагина «даволай» олишар экан.
ЎҚИНГ: Таниқли компания ўз ноутбукларини қайтариб оляпти – уларнинг аккумулятори портлаши мумкин!
Ноутбукларининг бузилувчанлиги бўйича иккинчи ўринда 22,4 фоизлик кўрсаткич билан Dell компанияси турибди. Учинчи ўринда эса орадаги катта фарқ ва 7,3 фоизлик кўрсаткич билан Lenovo келяпти. Кейинги поғоналарни тегишлича ASUS (5%), Acer (4,9%), Apple (3,2%), Samsung (3,0%), Microsoft (1,3%) компаниялари банд этишган.
Жадвалдаги сўнгги устун ноутбукларнинг ишлаб чиқарувчиларига берилган баҳони англатади ва рўйхат уларнинг ишончлилик даражаси бўйича сараланган. Яъни, энг ишончли портатив компьютерлар купертинолик гигантнинг Mac’лари бўлса, энг ишончсизлари Asus маҳсулотлари экан.
ЎҚИНГ: Хизмат кўрсатиш марказларида сизни қандай қилиб лақиллатишади?
