Энг катта ва тезкор флагман, аммо энг қиммати эмас: Galaxy S10 5G нархи аниқ бўлди!

Samsung компанияси Galaxy S10 туркумидаги смартфонларини тақдим этгач, уларнинг учта моделини тез орада савдога ҳам чиқарган. Фақат энг илғори – Galaxy S10 5G ҳали сотувга чиқмаган бўлиб, унинг хусусиятлари қуйидаги хабаримизда берилган:

ЎҚИНГ: Galaxy S10 5G суперфлагмани кутилганидан анча эрта сотувга чиқяпти – нарх ва жиҳатлари билан танишинг!

Galaxy S10 5G савдога қўйилиш вақти ҳамда нархлари ҳақида шу пайтгача тахминий маълумотлар берилиб келаётган эди. Энди эса Жанубий Корея нашрлари мазкур суперфлагманнинг аниқ нархларини айтишди. Янги хабарларга қараганда, Galaxy S10 5G биринчи бўлиб ўз ватанида, 5 апрелдан сотувга чиқади. Кейинроқ – 26 апрелда эса уни АҚШ бозорига ҳам тақдим этишади.

Манбага кўра, Samsung Galaxy S10 5G моделининг тезкор/доимий хотираси тегишлича 8/256 гигабайтлик версияси 1220 АҚШ долларига нархланади. Ички хотираси 512 гигабайт бўлган суперфлагман учун эса компания 1360 доллар сўрайди.

ЎҚИНГ: Galaxy S10 5G ўз кучини кўрсатди: атиги 30 сонияда 10 ГБ контент!

Galaxy S10 5G модели тезкор бўлиши билан бирга, Galaxy S туркуми тарихида энг йирик – 6,7 дюймлик экранга эга. Шуларни ҳисобга олсак, унинг юқорида кўрсатилган нархлари унчалик ҳам баланд эмас. Масалан, 5G тармоғини қўллаб-қувватламайдиган Galaxy S10+ моделининг энг қиммат – керамик корпусли версияси 1600 долларга баҳоланган!

Ушбу суперфлагманнинг Ўзбекистон бозорига етиб келишини ҳозирча кутмасак ҳам бўлаверади, чунки бизда ҳали 5G тармоғининг ўзи йўқ! Компаниянинг жаҳон бозорига чиқарилган аксарият смартфонларини, жумладан, Galaxy S10 ҳамда Galaxy S10+ флагманларини эса аллақачон Terashop.uz интернет-дўконимиздан онлайн усулда сотиб олиш мумкин.

ЎҚИНГ: Ниҳоят, Galaxy S10+ ҳам Terashop.uz’га келди! Samsung смартфонлари нархлари (2019 йил 13 март) – акцияси ҳам бор!