Энг кучли компьютер харидида энди 1000 доллардан 4000 долларгача тежаш мумкин!
2019 йилнинг 3 июнида Apple янги авлод Mac Pro стационар компьютерини тақдим этган эди. Ташқи кўриниши сабабли ижтимоий тармоқларда кўплаб масхараларга сабабчи бўлган ушбу қурилма декабрда нақ битта уй нархида савдога қўйилган. Лекин бу ҳали ҳаммаси эмас...
ЎҚИНГ: Нархи уй билан баробар компьютер янгича корпусда, янада қимматлашиб чиқди!
Apple ўзининг қайта тикланган қурилмаларини нисбатан арзон нархда сотиши билан ҳам маълум. У энди Mac Pro 2019 (ёки Mac Pro 7.1) компьютерларини ҳам шундай – чегирма билан савдога қўйди.
Дастлабки нархи қиммат бўлгани боис, уларга қўйилган чегирмалар ҳам катта. Масалан, ҳатто энг оддий модификациядаги компьютер ҳам салкам минг доллар арзон: унинг янгиси 6300 доллар турса, қайта тикланганини 5350 долларга олиш мумкин.
ЎҚИНГ: Қайта тикланган iPhone’лар ишончлими? Apple собиқ ходими аниқлик киритади
Энг юқори модификациядаги Mac Pro 2019 моделининг қайта тиклангани учун эса нақ 4000 долларлик чегирма белгиланган – у энди 22 440 доллардан турибди. Бу – нақ 16 ядроли процессор, Radeon Pro Vega II Duo русумли бир жуфт видеокарта ҳамда 8 терабайт доимий хотирага эга бўлган қудратли компьютердир.
Эслатиб ўтамиз, аввалги хабарларимизда катталиги муштдай ҳам чиқмайдиган компьютер, дунёдаги энг митти ўйин ноутбуки, энг митти ноутбук-планшет кабилар ҳақида маълумотлар берганмиз. Ҳаттоки ташриф қоғозига визиткага жойланган компьютер ҳам чиққан ва жуда арзон – 2,88 долларга баҳоланган! Шунингдек, Windows, Linux ва Arduino билан ишлай олувчи 188 долларлик мини-компьютер ҳам сизни қизиқтирса керак.
ЎҚИНГ: Ҳар қандай iPhone’нинг янги ёки қайта тикланган эканини осонгина аниқлаймиз!
