Энг кучли смартфонлар рейтинги эълон қилинди

Ўтган апрелда смартфон бозори кучли аппарат платформасига, хусусан самарали ишлайдиган процессорларга эга мобил смартфонларга гувоҳ бўлди. Жумладан, Snapdragon 835 процессорига эга бўлган бир қатор “ақлли” телефонлар тақдим қилинди. Қуйида мобил қурилмаларнинг процессор самарадорлигини баҳолайдиган Antutu ресурсида 30 апрелга қадар имтиҳондан ўтган гаджетлар рейтинги маълум қилинмоқда. Ушбу кўрсаткичлар 5 май куни маълум қилинган.

Эслатма:
1. Балл: бу ерда ўртача балл олинган. Смартфонлар тўплайдиган балл одатда ўзгариб туради.
2. Маълумотлар даври: 2017 йилнинг 1 апрелидан 30 апрелига қадар синовдан ўтказилган гаджетларга оид маълумотлар.
3. Смартфонлар: Фақатгина халқаро бозорга чиқарилган смартфонлар рейтингга киритилган.

Апрел ҳолатида ҳам iPhone 7 Plus самарали фаолият кўрсатиш бўйича пешқадамликни сақлаб қолган. Баъзи манбааларда 18 апрел куни тақдим қилинган Xiaomi Mi6’нинг баъзи манбааларда ундан ўзиб кетгани ёзилган эди. Бироқ, смартфон ҳали расман имтиҳондан ўтмагани ва халқаро бозорга чиқарилмагани, фақат Хитойда мавжудлиги боис, ушбу рейтингга киритилмаган.

Қуйидаги жадвалда iOS тизимида ишлайдиган қурилмаларнинг самарадорлиги бўйича рейтинги тузилган.

Жаҳоннинг энг самарадор Snapdragon 835 процессори билан таъминланган Samsung Galaxy S8+ ҳамда Galaxy S8 тақдим қилингач, 2-ўриндаги iPhone 7 ўрнини уларга бўшатиб, ўзи 4-ўринга тушиб кетди. Ундан кейинги ўринда эса хитойлик OnePlus 3T смартфони турибди.

Android смартфонлари орасида Samsung Galaxy S8 анча пайт 3-ўринда бўлиб келган OnePlus 3T’ни мағлуб қилиб, энг яхши ишлайдиган Андроид қурилмага айланди.

Samsung Galaxy S8+ (SM-G955F) ҳамда Galaxy S8 (SM-G950F) моделлари, яъни Samsung Exynos 9 (8895) процессори ва Mali-G71 MP20 видео-картасига эга талқини ҳам самарадорликда пешқадам.

Кучли ўнталикда LeEco Le Pro3, OnePlus 3, LeEco Le Max2, ZTE Axon 7, ASUS ZenFone 3, Moto Z ҳамда Xiaomi Mi 5s гаджетларини кўриш мумкин.