Энг оммабоп 10 смартфон (12-ҳафта)
Ўзгаришларга бой бўлган ушбу ҳафтадаги рейтингимизнинг илк уч ўрни янги қурилмалар билан банд бўлди. Nokia 8.3 5G ва Samsung Galaxy A41'лар мос равишда биринчи ва иккинчи поғоналарни эгаллаган бўлса, топ учталикка Xiaomi Redmi K30 Pro якун ясади.
Snapdragon 865 чипида ишловчи ва ҳали тақдим қилинмаган Redmi K30 Pro баҳорнинг энг кутилган смартфонларидан бири бўлиши аниқ, тақдимотдан олдиноқ рейтингдан юқори ўрин эгаллагани ҳам бунга исбот.
Ўтган чартимизда етакчи бўлган Redmi Note 9 Pro Max ва Redmi Note 9 Pro жуфтлиги тўртинчи ва бешинчи ўринларда, аммо ўтган галдан фарқли ўлароқ, икки қурилма бу сафар рейтингда ўрин алмашди.
Олтинчи ўрин Realme 6 Pro'га насиб қилган бўлса, еттинчиликда Samsung Galaxy S20 Ultra турибди. Galaxy S20 триосининг энг қиммат вакили техноишқибозларга энг ёқиб тушгани кўриниб турибди, қолган икки модель чартимизда анчадан бери кўриниш бермади.
Саккизинчи ўринда навбатдаги янги қурилма — Apple iPad Pro 11 (2020). Қизиғи, кўпдан бери планшет рейтингимиздан ўрин олмаганди.
Samsung Galaxy M31 тўққизинчига тушиб кетди ва энг сўнгги ўрин Redmi Note 8 Pro'га тегди. Note 8 Pro билан чартимизда 4 та Xiaomi смартфони ўрин олди. Эътиборлиси, уларнинг барчаси Redmi оиласига тегишли. Афтидан, Mi'ларга унчалик ҳам қизиқишмаяпти.
Huawei P40 Pro Premium'га хайрлашув сўзини айтдик, аммо тақдим қилиниши билан флагман рўйхатимизга яна қайтиши мумкин. Шунингдек, Samsung Galaxy A51, Redmi Note 8 ва Realme 6i'лар ҳам ўнталикка кирмади.
Шундай қилиб, ўн иккинчи ҳафтадаги рейтингизмиз Xiaomi'нинг 4 та, Samsung'нинг 3 та, Apple'нинг 1 та, Realme'нинг 1 та ва Nokia'нинг 1 та қурилмасидан иборат бўлди.
Nokia 8.3 5G
Ҳозирги рейтинги: 1/Ўтган ҳафтадаги рейтинги: Топ ўнталикка кирмаган
Samsung Galaxy A41
Ҳозирги рейтинги: 2/Ўтган ҳафтадаги рейтинги: Топ ўнталикка кирмаган
Xiaomi Redmi K30 Pro
Ҳозирги рейтинги: 3/Ўтган ҳафтадаги рейтинги: Топ ўнталикка кирмаган
Xiaomi Redmi Note 9 Pro Max
Ҳозирги рейтинги: 4/Ўтган ҳафтадаги рейтинги: 2
Xiaomi Redmi Note 9 Pro
Ҳозирги рейтинги: 5/Ўтган ҳафтадаги рейтинги: 1
Realme 6 Pro
Ҳозирги рейтинги: 6/Ўтган ҳафтадаги рейтинги: 4
Samsung Galaxy S20 Ultra 5G
Ҳозирги рейтинги: 7/Ўтган ҳафтадаги рейтинги: 5
Apple iPad Pro 11 (2020)
Ҳозирги рейтинги: 8/Ўтган ҳафтадаги рейтинги: Топ ўнталикка кирмаган
Samsung Galaxy M31
Ҳозирги рейтинги: 9/Ўтган ҳафтадаги рейтинги: 7
Xiaomi Redmi Note 8 Pro
Ҳозирги рейтинги: 10/Ўтган ҳафтадаги рейтинги: 6
Барча тасвир ва рендерлар GSMArena.com сайтидан олинди.
