Энг оммабоп 10 смартфон (34-ҳафта)
Ортда қолган ҳафтада ҳеч қандай катта тақдимот бўлиб ўтмади. Бу эса олдинги чартимиздаги етакчиларга ўз ўрнини сақлаб қолиш имконини берди — Xiaomi Mi 10 Ultra ҳали ҳам биринчи, Samsung Galaxy Note 20 Ultra эса иккинчи ўринни банд қилиб турибди.
realme X7 Pro смартфони эса тақдимот арафасида. Смартфон кўпчиликнинг эътиборини ўзига қарата олгани кўриниб турибди — учинчи ўрин.
«Ака-ука»лар Redmi Note 9 Pro ва Redmi Note 9 мос равишда тўртинчи ва бешинчи поғонага ўз номини ёздириб қўйди.
Тақдимоти 26 август куни бўлиб ўтиши кутилаётган Asus Zenfone 7'га эса олтинчилик насиб қилди.
Ўтган сафарги чартимизда топ учликда савлат тўкиб турган OnePlus Nord'га бу гал омад етишмади. Қурилма еттинчи ўринга тушиб кетди. Рўйхатимиздаги доимий ҳамроҳимиз Galaxy A51 эса саккизинчида.
Охирги икки ўринни Redmi 9 ва унинг «қариндоши» K30 Ultra тўлдирди.
Шундай қилиб, Galaxy M31s, Google Pixel 4a ва Microsoft Surface Duo'ларни шуҳрат чўққисидан турғунлик томон кузатиб қўйдик.
Ҳисоб-китобимиз шуни кўрсатмоқдаки, ортда қолган 34-ҳафтада Xiaomi'нинг 5 та, Samsung'нинг 2 та, realme'нинг 1 та, Asus'нинг 1 та ва OnePlus'нинг 1 та смартфони ҳафталик топ ўнталикдан жой олди.
Xiaomi Mi 10 Ultra🔴
Ҳозирги рейтинги: 1/Ўтган ҳафтадаги рейтинги: 1
Samsung Galaxy Note 20 Ultra 5G🔴
Ҳозирги рейтинги: 2/Ўтган ҳафтадаги рейтинги: 1
realme X7 Pro🔺️
Ҳозирги рейтинги: 3/Ўтган ҳафтадаги рейтинги: топ ўнталикка кирмаган
Xiaomi Redmi Note 9 Pro🔺️
Ҳозирги рейтинги: 4/Ўтган ҳафтадаги рейтинги: 5
Xiaomi Redmi Note 9🔺️
Ҳозирги рейтинги: 5/Ўтган ҳафтадаги рейтинги: 6
Asus Zenfone 7 ZS670KS🔺️
Ҳозирги рейтинги: 6/Ўтган ҳафтадаги рейтинги: топ ўнталикка кирмаган
OnePlus Nord🔻
Ҳозирги рейтинги: 7/Ўтган ҳафтадаги рейтинги: 3
Samsung Galaxy A51🔻
Ҳозирги рейтинги: 8/Ўтган ҳафтадаги рейтинги: 7
Xiaomi Redmi 9🔴
Ҳозирги рейтинги: 9/Ўтган ҳафтадаги рейтинги: 9
Xiaomi Redmi K30 Ultra🔺️
Ҳозирги рейтинги: 10/Ўтган ҳафтадаги рейтинги: топ ўнталикка кирмаган
