Энг оммабоп 10 смартфон (44-ҳафта)

Энг оммабоп 10 смартфон (44-ҳафта)

Ўтган ҳафтада технооламда ўта муҳим воқеалар содир бўлмади. Бу эса Apple'нинг iPhone 12 линейкаси моделларига бизнинг чартимиздаги мавқейини қайта тиклаб олиш имконини берди. iPhone 12 Pro Max етакчиликни сақлаб қолган бўлса, iPhone 12 Pro ва iPhone 12'лар топ учликка якун ясаб берди.

OnePlus Nord N10 5G ўтган ҳафтанинг энг муҳим янгиликларидан бири бўлди ва чартимизда тўртинчи ўринга чиқиб олди. N10 билан бирга тақдим қилинган N100 эса топ ўнталикка кира олмади.

Huawei Mate 40 Pro+ модели Mate 40 линейкасининг рўйхатимиздан ўрин олган ягона аъзоси бўлди. Бу галги рейтингимиздан Mate 40 Pro ва RS Porsche Design'лар жой ола олмади.

Xiaomi Mi 10T Pro эса бир неча поғона кўтарилиб, олтинчиликни банд этган бўлса, Poco X3 NFC'га еттинчи ўрин насиб қилди.

Бошқа шерикларига қараганда iPhone 12 mini'га бўлган қизиқиш камроқ кўринади. Қурилма бу сафар саккизинчи ўрин билан кифояланди. Рўйхатга қайта қўшилган ва кореялик компаниянинг чартимиздан ўрин олган ягона смартфони Samsung Galaxy M51 эса тўққизинчиликни банд этди. Samsung учун бу яхши натижа, сабаби бундан олдинги чартимизда бирор-бир Samsung смартфони кўриниш бермаган эди.

LG'нинг янги тақдим қилинган K92 5G смартфони охирги ўринни эгаллади ва Xiaomi Reemi Note 9 Pro рўйхатдан чиқди.

Шундай қилиб, ортда қолган қирқ тўртинчи ҳафтада Apple'нинг 4 та, Xiaomi'нинг 2 та, Hauwei'нинг 1 та, OnePlus'нинг 1 та, Samsung'нинг 1 та ва LG'нинг 1 та смартфони топ ўнталикдан жой эгаллади.

Apple iPhone 12 Pro Max
Ҳозирги рейтинги: 1/Ўтган ҳафтадаги рейтинги: 1
Apple iPhone 12 Pro
Ҳозирги рейтинги: 2/Ўтган ҳафтадаги рейтинги: 4
Apple iPhone 12
Ҳозирги рейтинги: 3/Ўтган ҳафтадаги рейтинги: 5
OnePlus Nord N10 5G
Ҳозирги рейтинги: 4/Ўтган ҳафтадаги рейтинги: топ ўнталикка кирмаган
Huawei Mate 40 Pro+
Ҳозирги рейтинги: 5/Ўтган ҳафтадаги рейтинги: 3
Xiaomi Mi 10T Pro 5G
Ҳозирги рейтинги: 6/Ўтган ҳафтадаги рейтинги: 8
Xiaomi Poco X3 NFC
Ҳозирги рейтинги: 7/Ўтган ҳафтадаги рейтинги: 10
Apple iPhone 12 mini
Ҳозирги рейтинги: 8/Ўтган ҳафтадаги рейтинги: 6
Samsung Galaxy M51
Ҳозирги рейтинги: 9/Ўтган ҳафтадаги рейтинги: топ ўнталикка кирмаган
LG K92 5G
Ҳозирги рейтинги: 10/Ўтган ҳафтадаги рейтинги: топ ўнталикка кирмаган

Барча тасвир ва рендерлар GSMArena.com сайтидан олинди.

ЎҚИНГ: Энг оммабоп 10 смартфон (43-ҳафта)

Terabayt.uz сайтининг видеолари: Youtube'даги каналимизда!