Энг қиммат ўйин вақтинча бепул бўлди, ўйнаб кўришга улгуринг! (+видео)
Кёльн шаҳрида ташкил этилган Gamescom 2018 ўйинлар кўргазмаси шарафига Star Citizen номли ўйин – космик симулятор вақтинча бепул қилинди. Аслида у замонамиздаги энг қиммат, аммо ҳали якунига етмаган ўйин ҳисобланади.
ЎҚИНГ: Кўрсаткич ёмон эмас: PUBG ўйини 100 миллион мартадан кўп юкланди
Star Citizen космик симулятори – Wing Commander ҳамда Freelancer ўйинлари билан машҳур бўлган Крис Робертсоннинг йирик лойиҳаси. Уни яратиш учун Голливуд юлдузлари жалб этилган, молиялаштириш билан эса олти йилдан буён геймерларнинг ўзлари шуғулланишмоқда.
Ўтган йилнинг декабри ҳолатига кўра, дастурчилар Star Citizen учун 170 миллион доллардан ортиқ маблағ тўплашган. Робертсон бунинг эвазига кенг кўламли фазовий ўйин ваъда қилаётир, аммо кўпчиликнинг фикрича, бу шунчаки молиявий пирамида бўлиб, мазкур инди-ўйин ҳеч қачон дунё юзини кўрмайди.
Кўпчиликка нотаниш бўлган «инди-ўйин» атамаси ҳақида мана бу мақоламизда ЎҚИНГ:
2017 йилнинг энг оммабоп ва энг қизиқарли бепул Android-ўйинлари
Энди барча хоҳловчилар 24 дан то 27 августгача Star Citizen космик симуляторини ўйнаб кўришлари мумкин бўлади. Бунда ҳали якунига етмаган мазкур ўйинни ҳозирги кўринишида синаб кўришади.
Мана, ушбу ўйинга бағишланган видеолавҳани томоша қиламиз:
Star Citizen’ни ўйнаб кўриш учун уни расмий сайтидан мана бу ҳавола орқали юклаб олиш керак бўлади, бунга GETINTOTHEVERSE промокодини кўрсатиш лозим. Агар сизда ҳам фазовий кенгликларда ўйнаш иштиёқи бўлса, вақтни бой берманг!
ЎҚИНГ: Google Play Awards 2018: йилнинг энг зўр ўйин ва иловалари тақдирланди
