Энг қудратли Android флагманлар глобал рейтингида янги қирол! (AnTuTu, 2021 йил октябрь)

Энг қудратли Android флагманлар глобал рейтингида янги қирол! (AnTuTu, 2021 йил октябрь)

Машҳур AnTuTu бенчмарки Android операцион тизимига асосланган энг кучли флагман смартфонларнинг ойлик рейтингини эълон қилди. 

ЎҚИНГ: 2021 йил 3-чоракдаги энг зўр ўнта смартфон (Master Lu рейтинги)

Октябрь ойи охирида рейтингда янги етакчи пайдо бўлди. Сентябрь ойида RedMagic 6S Pro биринчи ўринни эгаллаган бўлса, энди у 856 179 балл билан иккинчи ўринга тушиб кетди. Биринчи ўринга октябрь ойи ўрталарида сотувга чиққан Black Shark 4S Pro чиқиб олди. У AnTuTu'да 875 902 балл тўплашга муваффақ бўлди. 

Учинчи ўринга 844 078 балл билан iQOO 8 Pro жойлашган. Кўриб турганимиздек, AnTuTu рейтингининг тўлиқ учлигини Qualcomm Snapdragon 888+ чипига эга бўлган моделлар эгаллаган. 

Кучли бешликка 838 280 балл билан Black Shark Шарк 4 Pro ва 832 096 балл қайд этган vivo X70 Pro+ смартфонлари якун ясашди. 

Топ ўнталикдан Asus ROG Phone 5s, iQOO 8, Meizu 18 Pro, OnePlus 9 Pro ва Oppo Find X3 Pro смартфонлари ўрин олишга муваффақ бўлишди. 

AnTuTu рейтингида энг юқори балл эмас, ўртача кўрсаткичлар инобатга олинади. Ҳар бир смартфоннинг камида 1000 та тест натижалари ҳисобга олинди - тестлари камроқ бўлган моделлар рейтингга киритилмаган. 

ЎҚИНГ: Galaxy S21 Ultra, Pixel 6 Pro, iPhone 13 Pro Max - қай бирининг аккумулятор автономлиги яхшироқ?