Энг харидоргир смартфон энди қимматлайди – унинг ишлаб чиқарилиши тўхтатилди
Apple корпорациясининг iPhone XR модели, гарчи 2018 йили тақдим этилган бўлса-да, бултур ҳам долзарблигини йўқотмаган. 2019 йилда айни шу смартфон энг харидоргир бўлиб, 46,3 миллионта сотилган ва рейтинг шоҳсупасидан жой олган.
ЎҚИНГ: Дунё смартфон бозорида етакчи ким ўзи? (2 та рейтинг)
Купертинолик корпорация учун кўплаб русумлардаги айфонларни хитойлик ҳамкори – Foxconn компанияси териб беришидан хабарингиз бор. Айнан энг харидоргир iPhone XR моделини эса ушбу компания Ҳиндистоннинг Ченнай шаҳридаги заводида ясайди.
Айни кунларда эса, Ҳиндистондаги манбаларнинг хабарига кўра, коронавирус пандемияси туфайли ушбу ҳудудда барча корхоналарнинг фаолияти тўхтатилган. Мазкур тақиқнинг бузилмаслиги учун мамлакат ҳуқуқ-тартибот идоралари мунтазам тарзда текширувлар ўтказиб туришибди. Шу сабабли ҳам Foxconn бу ерда фаолиятини тўхтатиб турибди.
Кўплаб тадқиқот компанияларининг маълумотларига кўра, iPhone XR ҳозир ҳам жаҳондаги энг кўп сотилаётган смартфон ҳисобланади. Ҳиндистонда унинг ишлаб чиқарилиши тўхтатилганлиги эса тез орада мазкур айфоннинг нархи ошишига олиб келади.
ЎҚИНГ: iPhone 12 Pro’нинг илк «жонли» расмларини Apple’дан ҳайдалган ходим фош этди!
