Энг яхши дунё брендлари рейтинги
“Энг яхши дунё брендлари” (Best Global Brands)—брендлар ишлаб чиқарувчи Interbrand компанияси томонидан ҳар йили тузиладиган рейтинг. Эътибор берилса, рейтингда ўтган йилги натижалар қарийб ўзгармаган. Яъни рўйҳат карвонбошиси технология компания брендларидир.
2015 йилдаги рейтинг етакчиси Apple компанияси. Экспертлари “тишланган олма”ни 170,3 миллиард долларга баҳолади. Компаниянинг ўтган йилги баҳоси 118,9 миллиард долларни ташкил этганди.
Иккинчи ўринда хамон Google компанияси. Бренд нарҳи—120,3 миллиард доллар.
Рейтингнинг учинчи ўрнида Coca-Cola бренди. Унинг ортидан Microsoft компанияси “қувлаб” келмоқда. Бу йил Редмондаги компания IBM компаниясидан ўзиб кетди. Ўтган йилга нисбатан бир тийинга ҳам қимматламаган Samsung компанияси ҳануз еттинчи ўринда.
Best Global Brands компаниясининг Топ-10 лигига 37,9 миллиард долларлик Amazon компанияси ҳам кирган.
Lenovo ва PayPal брендлари илк бор мос равишда 100 ва 97-ўринда қайд этилган. Тўлов хизмати бренди 4,3 миллион доллар, Motorola таркибидан ажралган хитой бренди эса 4,1 миллион долларга баҳоланган.
Шундай қилиб, бу йилги рейтингга иккита Хитой бренди киритилди. Иккинчиси Huawei компанияси (88-ўрин). Рўйҳатни Nintendo ва Nokia компаниялари тарк этган.
Interbrand компанияси брендларни баҳолашда компания номи остида чиқарилаётган маҳсулотлар савдосидан келаётган фойда ва мижозларнинг уларга бўлган яхши муносабатларини мезон қилиб олган.
