Энг юпқа Lumia смартфони тақдим этилди (видео)
Аввалдан режалаштирилганидек, Microsoft компанияси Lumia 650 смартфонини ишлаб чиқаришни бошлади. Ишлаб чиқарувчининг 2016 йилдаги биринчи ва катта эҳтимол билан ягона смартфони 18 февралдан Европада сотувга қўйилади. Бу ҳақда компания расмий блогида эълон қилинди.
Смартфонни такомиллаштириш ишлари бир неча бор кескин бурилишларга учради. Дастлаб Microsoft Lumia 650 ишлаб чиқарилиши бекор қилинди, бироқ кейинроқ смартфоннинг бизнес-намунасини тақдим этишга қарор қилинди.
Microsoft тадбиркорлар доирасига мўлжалланган смартфоннинг ташқи қиёфасига катта эътибор қаратди. Янги намунада ҳошиялар алюминдан шакллантирилиб, оқ ва қора рангларда сотувга чиқарилади.
Смартфоннинг техник хусусиятларига келадиган бўлсак, айтиш жоизки, барча параметрлар ўрта синфга хос. Асосий камера 8 Мп бўлса, олд камера 5 Мп. Шунингдек, Quad-Core Cortex-A7 CPU процессори частотаси 1.3 Гц, оператив хотира ҳажми 1 Гб. Батареяси эса 2000 мАсоатдан иборат.
Смартфон 200 АҚШ долларига баҳоланмоқда.
