Энг зўр процессорли энг арзон Huawei смартфонини «жонли» суратлар ва видеода томоша қилинг!

Хитойлик техногигант ўзининг Nova 4 моделини тайёрлаётганидан хабаримиз бор. Гарчи дастлаб уни биринчи бўлиб тақдим этилаётган «тешик» экранли смартфон, дея мақтанган бўлса-да, амалда рақиби ундан ўзиб кетгани ҳақида ҳам ёзганмиз.

ЎҚИНГ: «Тешик» ромсиз экранга ва уч модулли камерага эга Lenovo Z5s тақдимоти кейинга сурилди – компания «катталарга йўл берди»

Интернетда шу пайтгача Huawei Nova 4’нинг бир қатор «жонли» суратлари ва рендерлари тарқалган. Қуйида унинг янги расмларини эътиборингизга ҳавола этаётирмиз:

Ушбу фотосуратлар мазкур смартфоннинг асосий ўзига хослиги – дисплейда селфи-камера учун «тирқиш» очилганини кўрсатиб турибди. Манбага кўра, ромсиз дисплей корпус олд юзасининг 91,8 фоизини эгаллаган.

Айтиш керакки, хитойлик техногигантнинг Nova 4 модели ҳам унинг Mate 20 ва Mate 20 Pro флагманлари сингари илғор Kirin 980 процессорига таянади. Маълумотларга қараганда, бошланғич конфигурацияли Huawei Nova 4 бозорга 400 долларлик нарх билан чиқарилади. Шунга кўра, у хитойлик техногигантнинг энг кучли процессори ўрнатилган энг арзон смартфон бўлади.

ЎҚИНГ: AnTuTu рейтинги: энг оммалашган Android-смартфонлар ва айримларининг Terashop.uz’даги нархлари

Шунингдек, Huawei бу смартфоннинг видеотизерини ҳам чиқарган. Мана, уни бирга томоша қиламиз:

Мазкур қурилма қадоқданоқ Android 9.0 Pie операцион тизимига эга бўлиши, унинг версияларидан камида биттаси 5G тармоғини ҳам қўллаб-қувватлаши айтилаётир.

Huawei Nova 4 тақдимоти 17 декабрда бўлиб ўтади. Ушбу компаниянинг айрим русумлардаги смартфонларини 890 000 сўмдан бошланувчи нархларда Terashop.uz интернет-дўконимиздан харид қилиш мумкин.

ЎҚИНГ: Terashop.uz’да Huawei смартфонлари нархлари (2018 йил 24 ноябрь) – харидингиз Ўзбекистон бўйлаб бепул етказилади!