Epic Games яна иккита саргузашт ўйинни бутунлай беряпти, текин пайти олиб улгуринг! (+видеолар)
Epic Games Store ўтган ҳафта Sherlock Holmes: Crimes and Punishments ҳамда Close to the Sun ўйинларини бепул тарқатган эди. Коронавирус пандемияси туфайли карантинда зерикиб қолмаслигингиз учун ўйин дўкони бу ҳафтанинг дам олиш кунларида яна иккита саргузашт ўйинни бепул ва бутунлай олиш имконини бермоқда.
ЎҚИНГ: Gameloft юбилейи шарафига нақ 30 та Android-ўйинни бепул беряпти!
Булардан биринчиси Just Cause 4 ўйини бўлиб, Рико Родригес исмли агент ҳақидаги сериянинг сўнгги қисмидир. Бунда бош қаҳрамон Солис орол-давлатидаги «Қора қўл» номли ҳарбий ташкилотга қарши жангга отланади.
Just Cause 4 жанговар ўйинини ўз кутубхонангизга қўшиб қўйиш учун мана бу ҳавола орқали унинг саҳифасига ўтасиз.
ЎҚИНГ: Соврин фонди 60 миллион сўмлик онлайн киберспорт мусобақасига марҳамат!
Wheels of Aurelia номли иккинчи ўйин эса квест ва визуал новелла қоришуви бўлиб, ундаги воқеалар, Италия ҳудудида, 1978 йили бўлиб ўтади. Бош қаҳрамон – Лелла исмли аёл Франция томон йўлга чиқади ва турли йўловчилар билан ҳамроҳлик давомида суҳбатлар қуриб кетади...
Мазкур ўйинни олиш учун ҳозироқ ушбу ҳавола орқали ўтишингиз мумкин. Эътибор беринг: бу иккала ўйиннинг бепул тарқатилиши 23 апрель куни, Тошкент вақти билан соат 20:00 да тугайди. Агар шу муддат ичида уларни олиб қўйсангиз, кейин исталган пайтда бепул ўйнайверасиз.
ЎҚИНГ: Жаҳон соғлиқни сақлаш ташкилоти: «Коронавирусдан сақланиш учун кибер-ўйинлар ўйнанг!»
