Epson портатив сканерлари USB орқали қувватланади
Япониянинг Epson компанияси мобил сегментга мўлжаллаб, WorkForce ES-200 ва WorkForce ES-300W маркасидаги портатив сканерларни тақдим этди. Ҳар иккала модель иик тарафлама сканерлаш ва тезкор ишлаш хусусиятлари (бир дақиқада 25 саҳифа) билан ажралиб туради, деб ёзмоқда 3D News.
Сканерлар электр тармоғидан ва USB-кабелдан қувватланган ҳолда ишлаши мумкин. ES-300W модели эса симсиз алоқани қўллаб-қувватлагани туфайли у мобил қурилмалар ва компьютер билан масофадан боғлана олади.
WorkForce ES-200 ва WorkForce ES-300W сканерларига TWAIN драйверлари созланган, бу эса улар билан ишлаш жараёнини осонлаштиради. Шунингдек, ўрамга Epson Document Capture, ABBYY FineReader ва NewSoft Presto! BizCard дастурий таъминотлари киритилган.
Сканерлар 249 ва 299 доллар нархларида сотувга чиқарилган.
