Ерга таҳдид солаётган метеоритлар қанча? НАСА аниқлик киритади.

  •   Saroy
  •  1466
  •  16.08.2018 11:35

Ерга таҳдид солаётган метеоритлар қанча? НАСА аниқлик киритади.

Агентлик мутахассислари  энг йирик шаҳарларнинг бирини ер юзидан супириб юбора оладиган метеоритнинг параметрларини моделлаштириб кўришди, шунингдек қанча ажал харсанглари сайёрамиз атрофида учиб юрганига ҳам аниқлик киритишди.

АҚШ ҳукумати НАСА олдига бир томон узунлиги 140 метрдан кам бўлмаган барча метеоритни кузатиш ва ўрганиш вазифасини кўндаланг қўйди. Бунинг учун америкалик муҳандислар коинотдан келаётган таҳдидларни кузатиб боришнинг орбитал тизимини ишлаб чиқиши ва ишга тушириши керак бўлади.  АҚШ ҳукумати бу ишларни 2020 йилгача якунлашни талаб қилмоқда, бироқ НАСА ходимларининг таъкидлашича,  бу муддат ушбу  вазифани амалга оширишга озлик қилади.

ЎҚИНГ:НАСА инсонни Марсга элтувчи ракета дизайнини якунлади

Аризона кратери: диаметри 50 метр бўлган метеоритнинг тушишидан кейин пайдо бўлган

Бундай тизимни яратишдан олдин, НАСА битта мигаполисни (масалан, Нью-Йоркга ўхшаш) йўқ қила оладиган метеорит қандай параметрларга эга бўлиши лозимлигини аниқлаб олиши керак бўлади. Бунга мисол тариқасида ўша афсонавий Тунгус метеоритини мисол келтирамиз. Унинг ерга урилгандаги портлаш қуввати 10-15 мегатоннани ташкил этган. Мутахассисларнинг айтишича, битта йирик шаҳарни йўқ қилиш учун юқорида таъкидланганидек, узунлиги 140 метр эмас, балки  60-70 метрлик метеорит ҳам етарли бўрлади.

ЎҚИНГ:НАСА ўзга сайёраларни инсониятдан ҳимоя қилмоқчи

Сайёрамиз атрофида ҳажми 40 метрдан катта бўлган  300 000 га яқин объектлар учиб юрибди. Катталиги  20 метр атрофида бўлган (Челябинский метеоритига ўхшаш) метеоритлар сони эса бир неча миллионта. Назарий жиҳатдан бутун бошли қитъани йўқ қилишга кучи етадиган яна 20 мингга яқин осмон жисмлари сайёрамиз атрофида дайдиб юрибди. Бироқ НАСА мутахассислари ҳавотирга ўрин йўқ, демоқдалар. Уларнинг таъкидлашича. Апокалипсис бўлмайди, чунки сайёрамизга таҳдид солиши мумкин бўлган метеорит қанча катта бўлса, уни пайқаш шунча осон бўлади ва унга таъсир қилиш чораси албатта кўрилади.