Эртага тақдим этилаётган Redmi K20 расмий промо-ролик ва янги жонли расмларда!

Xiaomi ва Redmi компаниялари эртага тақдим қилиниши режалаштирилган Redmi K20 смартфони атрофида чинакамига йирик маркетинг кампаниясини авжига чиқаришди.

ЎҚИНГ: Redmi K20 ва K20 Pro нархлари маълум, Xiaomi эса таклифномага бокс қўлқопи қўшиб тарқатяпти!

Охирги бир неча ҳафта давомида Redmi K20 ва Redmi K20 Pro ҳақида жуда кўп янгиликлар тарқалди. Маълумотларни расмий шахслар ҳамда тармоқ ахборотчилари улашиб туришди.

Энди эса хитойнинг Weibo ижтимоий тармоғида Redmi K20'нинг расмий реклама ролиги пайдо бўлди. Ушбу видеода қурилма орқа панелидаги оптик эффектли мафтункор жилони кўриш мумкин. Хитойлик бренд ҳамма учун одатий бўлиб улгурган градиентлардан воз кечган ҳолда, смартфонни ўзгача мукаммаликда яратган.

Аввалроқ, интернетда Redmi K20 моделининг расмий реклама баннери сурати ҳам тарқалганди. Ушбу қурилмада Snapdragon 730 процессори, 48 МПлик датчикка эга камера, 7-авлод экраности дактилоскопи ҳамда 4000 мА/соатлик аккумулятор қўлланиши тасдиқланган.

ЎҚИНГ: Redmi K20 илк расмий суратда: «катта иблис» кутилганидан бошқачароқ экан!