Эртагаёқ намойиш этилаётган Redmi 7 билан батафсил танишамиз!
Xiaomi ўзининг арзон смартфонлар туркумини мустақил Redmi бренди тарзида ажратгач, унинг илк вакили – «ёнғоқчақар» Redmi Note 7 моделини тақдим этганди. Кейинроқ унинг глобал версиясини ҳамда янги Redmi Note 7 Pro моделини намойиш қилди, энди эса навбат янада арзон смартфонга келди.
ЎҚИНГ: Xiaomi яна битта арзон смартфон – Redmi 7 тақдимот кунини эълон қилди!
Хитойнинг мобил қурилмаларни рўйхатга олувчи TENAA ташкилоти сайтида ҳамёнбоп Xiaomi Redmi 7 смартфонининг техник хусусиятлари батафсил эълон қилинди. Ушбу регулятор базасида у M1810F6LE каталог рақами билан қайд қилинган, афсуски, унинг «жонли» суратларини ҳануз кўрсатишмади.
Буни қарангки, Redmi Note туркумига кирмаса-да, ушбу смартфон ҳам етарлича катта ўлчамга эга экан. Унинг корпуси ўлчами 158,65х76,43х8,9 миллиметрга тенг бўлиб, 180 грамм тош босади. Табиийки, экрани ҳам каттагина – диагоналига 6,26 дюймлик, тасвир аниқлиги эса 1520х720 пикселлик.
Доимгидек, ушбу смартфон ҳам хотира ҳажмига кўра турли вариантларда таклиф этилади. Уларнинг энг кичиги 2/16 гигабайтлик тезкор/доимий хотирага эга. Redmi 7 яна 3/32 ва 4/64 гигабайтлик хотирага эга талқинларда ҳам чиқарилади ва барчаси microSD картаси учун уячага эга.
Redmi 7 бош камераси қўшалоқ бўлиб, асосий модул аниқлиги 12 мегапикселга тенг. Иккинчи датчик хусусиятлари айтилмаган, унинг 5 мегапикселлик бўлиши тахмин қилинмоқда. Селфилар учун 8 мегапикселлик оптик сенсор қўлланган, орқа панелда яна бармоқ изи сканери ҳам бўлади. Xiaomi ушбу смартфонига 3900 мА/соатлик аккумулятор, Android 9.0 базасидаги MIUI 10 интерфейсини ўрнатмоқда.
Эслатиб ўтамиз, хитойча Redmi Note 7 моделини Ўзбекистонда ҳозирча фақат AliExpress’дан буюртма орқали сотиб олиш мумкин. Жаҳон бозорига чиқарилган айрим Xiaomi смартфонларини эса 819 000 сўмдан бошланувчи нархларда Terashop.uz интернет-дўконимиздан харид қилиш имкони бор. Айниқса, шу кунларда – акция доирасида бу харидингиз янада ёқимли ва манфаатли бўлади.
ЎҚИНГ: Redmi 7’дан аввал унинг «кушанда»си – арзон, аммо «бели бақувват» Realme 3 тақдим этилди!
