Етакчи дастурчилар йилнинг энг зўр ўйинлари рейтингини эълон қилишди (+видео)
Кейинги ойларда бир қатор янги ўйинлар тақдим этилди ва декабргача улар йилнинг энг зўр ўйини номинацияси учун курашишлари турган гап. Аммо ҳозирча ўйинлар индустриясида 2018 йилнинг хитлари етакчилик қилаётир.
ЎҚИНГ: D.I.C.E. Awards 2019: Энг зўр ўйинлар мукофотланди
Жорий йилнинг 18–22 март кунлари Сан-Франциско шаҳрида бўлиб ўтган Game Developers Conference 2019 конференциясида ушбу саноат етакчилари ўйинлар рейтингини тақдим этишди. Анжуман доирасида ташкил этилган Game Developers Choice Awards ҳакамлари маълум қилишларича, God of War барча рақибларидан ўзиб, дастурчилар наздида «Йилнинг энг яхши ўйини» бўлган.
Қуйида унинг трейлерини томоша қилишингиз мумкин:
GDC экспертларининг изоҳлашларича, God of War совринни «етук сюжет, қойилмақом визуал эффектлар ва ажойиб жанговар геймплей учун» олган. 2018 йилнинг яна бир хит ўйини – Red Dead Redemption 2 эса «Ёввойи ғарбнинг сўнгги кунлари муҳитини ярата олгани учун» мақтовга лойиқ кўрилган.
ЎҚИНГ: 2018 йилнинг энг зўр ўйин, илова, китоб, фильм ва сериалларини Google эълон қилди
Шу тариқа, Game Developers Choice Awards’да турли номинациялар бўйича қуйидаги ўйинлар ғолиб деб топилган:
- Энг яхши овоз: Celeste
- Энг яхши дебют: Mountains (Florence)
- Энг яхши дизайн: Into the Breach
- Энг яхши мобил ўйин: Florence
- Асосий инновация: Nintendo Labo
- Энг яхши баён: Return of the Obra Dinn
- Энг яхши технологиялар: Red Dead Redemption 2
- Энг яхши бадиий услуб: Gris
- Энг яхши VR/AR ўйин: Beat Saber
- Томошабинларга маъқул ўйин: Beat Saber
- Йилнинг энг яхши ўйини: God of War
Шунингдек, Game Developers Choice Awards маросимида ўйин индустриясининг айрим вакиллари ҳам тақдирланган.
ЎҚИНГ: Nintendo дастурчиларни ишга таклиф қиляпти: маош ва шароитлар ҳайратомуз!
