Эван Бласс iPhone 8'нинг янги суратини эълон қилди
Бу йилги iPhone флагманига оид миш-миш ва инсайдерларнинг хабарлари, экспертларнинг тахмин ва "башорат"лари оқими ҳар йилгидан кўра шиддатлироқ бўлмоқда. Сўнгги рендер сурати таниқли инсайдер Эван Бласс томонидан эълон қилинди. Қуйидаги суратда кутилганидек, iPhone 8 олд панели тўлиқ дисплейдин иборат. Олд панел юқори қисмидан камера ва сенсорлар ўрин олган.
Янги айфон мустаҳкам ғилофлар тайёрлайдиган Urban Armor Gear компаниясининг махсус корпусида жойлашган. Бу турдаги корпуслар iPhone 7 ҳам ишлаб чиқарилган эди. Эван Бласснинг маълум қилишича, бу сурат корпус ишлаб чиқарувчиси томонидан тақдим қилинган.
Techcrunch нашрида маълум қилинишича, олд панел юқорисидаги сенсорлар iPhone 8 қиёфани сканер қиладиган ва танийдиган сканерга эга бўлишидан дарак бермоқда. Бу технология Touch ID функциясининг ўрнини эгаллаши мумкин. Яъни, Apple энди бармоқ излари сканеридан бутунлай воз кечади.
Шунингдек, компанияга дахли бўлмаган дастурчилар iOS 11.0.2 прошивкасида ишлайдиган HomePod "ақлли" колонкасининг кодларини ўқишга муваффақ бўлдилар. Унинг асосида ҳосил бўлган чизмали сурат янги айфонга оид маълумотларга тўғри келмоқда. The Verge нашрига кўра, ромсиз гаджет кўринишдан LG G6 ва Samsung Galaxy S8 флагманларига ўхшаб кетади.
The Fortune нашрининг ёзишича, янги айфон модели юқори аниқликдаги Oled-дисплей билан таъминланади.
Apple илғор смартфонини ўз юртида камида $1000 доллардан сотувга чиқаради. Шу тахлит, бу телефон аппарати компания тарихидаги энг қиммат айфон бўлади. Девайс анъанага кўра жаҳон бозорига Америкадаги нархидан 30–40% га қимматроққа сотилади. Унинг жаҳон смартфон бозоридаги нархи $1300–1400 долларни ташкил қилади.
