Exynos 2200 ҳақиқатан ўта кучли бўлади

Exynos 2200 ҳақиқатан ўта кучли бўлади

Samsung'нинг Exynos 2200 чипсети бир неча оммабоп бенчмарк платформаларида кўриниш берди. Ҳолбуки, процессорнинг Geekbench'даги натижаси тақсинга лойиқ чиқмади. Аммо SoC графикага урғу қаратилгам GFXBench эталон тестида анчайин яхши натижа қайд этди.

ЎҚИНГ: SoC нима?

Сиздирилган янги маълумот Exynos 2200'нинг соат сигнали ҳақида ахборот бермоқда. Сиздирилган маълумотда яна айтилишича, Geekbench'да синалган Exynos 2200 ўша пайтда камайтирилган тезликда ишлаётган бўлган.

Таниқли инсайдер Ice Universe'нинг маълум қилишича, Exynos 2200 учта CPU кластерига эга бўлади. Энг кучли Cortex-X2 ядросининг соат тезлиги 2,9 GHz бўлади. Иккинчи кластерда эса 2,8 GHz частотали учта ядро, учинчисида эса 2,2 GHz частотали тўртта ядро бўлади. Аниқ шундай кўрсатилмаган бўлса-да, иккинчи кластер АРМ'нинг Cortex-А710, учинчи кластер эса Cortex-А510 ядроларидан фойдаланиши эҳтимоли бор.

Ice Universe'нинг қўшимча қилишича, юқоридаги конфигурация Galaxy S22 Ultra учун эксклюзив бўлади. Galaxy S22 ва S22+ лар SoC'си бошқача конфигурацияли бўлиши мумкин.

ЎҚИНГ: Samsung'дан туб бурилиш: компания ўзининг беш йиллик анъанасини бузмоқчи

Exynos 2200'нинг AMD GPU'си ўта тезкор бўлади

Exynos 2200'даги AMD Radeon GPU'си бошқа график процессорларини ер тишлатганига кўп гувоҳ бўлдик. Бундай натижага процессорнинг ўта юқори — 1,250 MHz соат тезлигини сабаб қилиб келтириш мумкин. Қиёс учун, ушбу кўрсаткич десктоп тоифа Nvidia GeForce GTX 1050 Ti унумдорлиги билан бир хил даражада. Олдинги хабарларда ҳам Exynos 2200 GPU'си 1,300 MHz частотада ишлаши айтилган эди; демак, иккита хабар бир-бирига мос келмоқда.

Exynos 2200'нинг техник кўрсаткичлари қоғозда қойилмақом кўринса-да, процессорни совитиш анча қийин кечади. Иссиқлик назорати муаммолари боис AMD GPU'сининг тақдимоти бир йилга кечиктирилган эди. Бу гал мазкур ҳолат кузатилмаслиги мумкин, лекин ҳароратни назорат остида ушлаб туриш учун якуний маҳсулот бироз кучсизлантирилиши ҳам мумкин. Кўп жиҳатдан, GPU рақибларни ортда қолдириши мумкин, лекин CPU борасида бундай деб бўлмайди.

Samsung анчадан буён ўзининг Exynos чипларни совитиш борасида қийналиб келган ва агар Exynos 2200 компания олдидаги энг катта машаққат бўлиб турибди. Агар корейслар SoC'ни совитиб туришни уддалай олса, Exynos 2200 жорий авлод Android SoC'лари орасида энг қудратлиси бўлиш потенциалига эга бўлади. Натижада, Samsung йиллар давомида қўлдан бой берган бозор улушини қайта тиклаб олади.

ЎҚИНГ: Келаси йилдан барча Galaxy A серияси смартфонлари флагманларда бўладиган технология билан жиҳозланади

Сайтимизнинг энг чиройли расмларини Инстаграмдаги саҳифамизда томоша қилинг!