Эзилмайди, букилмайди, синмайди: iPhone корпуси ҳақида гап кетмоқда

  •   Saroy
  •  1173
  •  18.09.2018 16:05

Эзилмайди, букилмайди, синмайди: iPhone корпуси ҳақида гап кетмоқда

Ўтган ҳафта тақдим этилган учта янги iPhone’нинг иккитаси  IP68 рейтингини олди. Ушбу рейтингни олиш учун гаджет бир метрлик сув тагида 30 дақиқа ушлаб турилади.  Бундан ташқари, Apple’нинг маълум қилишича, қурилмада ишлатилаётган шиша барча смартфонларникидан энг мустаҳками саналади. Аммо компания бу билан тўхтаб қолмоқчи эмас.Олинган янги патентга қараганда, Apple корпус учун янги материал устида иш олиб бормоқда. Бундай корпус смартфонни ҳар қандай эзилиш ва тирналишдан ҳимоя қилиши керак.

ЎҚИНГ:Ё чикка, ё пукка: ҳар бир iPhone тақдимоти Apple акцияларига қандай таъсир кўрсатган?

Бу ерда гап металл марказ билан устки қоплама орасидаги оралиқ қават билан қилинган мустаҳкам ром устида кетмоқда. Устки қават эҳтимол ўзига хос кўринишдаги керамикадан  ёки асоси углероддан бўлган қаттиқ материалдан тайёрланиши мумкин. Ташқи қават 0,5 дан тахминан 3 мкм’гача  қалинликда бўлиши мумкин ва оралиқ қатламга қараганда жуда мустаҳкам  бўлади. «Оралиқ қатлам»  8 дан 30 микрометргача бўлади.

Буюртмага кўра, қоплама корпусни ҳар қандай лат ейишдан ҳимоя қилади, яъни тирналиш, чизилишдан тортиб, темир, қум, тош, бетон, шиша ва бошқа шунга ўхшаш материаллар таъсиридан ҳимоя қилади. Шу билан бирга, смартфон мустаҳкам метариал билан қопланганига қарамай, қурилманинг ташқи кўриниши бузилмайди ва  iPhone (шунингдек, компаниянинг бошқа қурилмалари) ҳар доим жуда бежирим ва мафтункор бўлиб қолаверади.

ЎҚИНГ:iPhone XS ва XR: Apple’нинг янги флагманлари Geekbench бенчмаркида синаб кўрилди.

 

Сайт янгиликларидан доимий хабардор бўлиш учун Телеграм каналимизга қўшилинг!