Facebook аккаунтингиз бузиб кирилганини аниқлашнинг энг осон йўли
Эсингизда бор, яқинда – сентябрнинг охирроғида бир гуруҳ хакерлар Facebook ижтимоий тармоғидаги миллионлаб аккаунтларга кириш «тирқиш»ини топишган. Шу орқали профилларга бузиб киришларнинг олдини олиш учун Facebook вакиллари 90 миллионта аккаунтнинг сақланган сессияларини узишган эди.
ЎҚИНГ: «Оқ хакер» Цукербергнинг акккаунтини бузишдан воз кечди – Facebook унинг «оғзини мойлади»!
Энди эса компания тармоқдаги айнан қанча аккаунтга хакерлар ҳужум қилганлигини эълон қилди. Унга кўра, дастлабки хабарларда айтилганидек 50 миллион эмас, балки 29 миллион фойдаланувчининг профилига хакерлар киришган.
Хўш, ушбу рўйхатда ўзингизнинг ҳам аккаунтингиз бор-йўқлигини билмоқчимисиз? Facebook маълумот маркази бунинг учун махсус саҳифа яратган, унга мана бу ҳавола орқали кирасиз. Унинг охиригача тушиб борсангиз, оч кўк фонли майдончада бу ҳақда маълумот берилган. Тўғри, унда фақат инглизчада ёзилган, аммо аккаунтингиз хакерлар ҳужумига учраган ё учрамаганини билиш қийин эмас. Агарда профилингизга ҳужум қилинмаган бўлса, ўша маълумот мана бу кўринишда бўлади:
ЎҚИНГ: Facebook фойдаланувчилардан ўз яланғоч расмларини жўнатишларини сўраяпти!
Бордию аккаунтингизга хакерлар бузиб киришган бўлса, маълумот мана бу тарзда акс этади:
Бу ерда ёзилишича, хакерлар ушбу профилнинг номини, электрон почта манзили ва телефон рақамини билиб олишган, аммо паролларни ҳамда банк карталари ҳақидаги маълумотларни олишмаган.
Ҳар эҳтимолга қарши, Facebook паролингизни алмаштириб, аккаунтингиз ҳимоясини кучайтириб қўйиш зарар қилмайди.
